شڪيل
شڪيل
شڪيل: ٽي. وي ۽ فلم جو مشھور اداڪار شڪيل، 29 مئي 1938ع تي ڀوپال (گڏيل هندستان) ۾ڄائو. سندس اصل نالو يوسف ڪمال هو. هن پرائمري توڙي سيڪنڊري تعليم انگريزي ميڊيم جي فرينچ مشنري اسڪول ڀوپال مان حاصل ڪئي. ورهاڱي کان پوءِ ڪراچي لڏي آيو. خوبصورت هجڻ سبب کيس فلمن ۾ ڪم ڪرڻ جو موقعو مليو. سندس پھرين فلم هونھار (1966ع) باڪس آفيس تي سُپر هِٽ فلم ثابت ٿي، جنھنڪري کيس ٻين فلمن سان گڏ اردو ڊرامن ۾ به ڪم ملڻ لڳو. ڊرامن ۾ سندس شھرت جو سبب ‘نيا راسته ڊرامو’ بڻيو، جيڪو 1971ع ۾ حسينه معين لکيو هو. سندس مشھور فلمن ۾ ‘هونھار’ (1966)، ‘جوشِ انتقام’ (1968)، ‘پاپي’ (1968)، ‘زندگي ’ (1968)، ‘ناخدا’ (1968)، ‘داستان’ (1969)، ‘انسان اور گدها’ (1973)، ‘بادل اور بجلي’ (1973)، ‘چاهت’ (1973)، ‘جيدار’ (1981)، ‘جناح’ (1998) ۽ ‘زهر ِ عشق’ (2016) شامل آهن. جڏهن ته سندس ٽي وي ڊرامن ۾ ‘شهزوري’ (1974ع)، ‘انڪل عرفي’ (1975ع)، ‘اَن ڪھي’ (1982ع)، ‘آنگن ٽيڙها’ (1984ع)، ‘هيپي عيد مبارڪ’، ‘عروسه’ (1994ع) ۽ ‘چاند گرهن’ (1995ع) مشھور آهن. 1992ع ۾ کيس ‘پرائيڊ آف پرفارمنس’ جي اوارڊ سان نوازيو ويو. ان کان سواءِ 2005ع ۾ کيس ‘انڊس ڊراما اوارڊ’ به ڏنو ويو. 29 جون 2023ع تي 85 سالن جي ڄمار ۾ ڪراچي جي CMH اسپتال ۾ وفات ڪئي.
لفظ شڪيلھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1938.05.29 عيسوي
ٽي. وي ۽ فلم جو مشھوراداڪار شڪيل، 29 مئي 1938ع تي (گڏيل هندستان) ڀوپال ۾ڄائو.
شخصيتون - ڀاڱي جون ٻِيون داخلائون
خانبهادر ميان علي بخشٻڍل شاهه ولد نواب شاهه
احمد علي شاهه ڊاڪٽر
سيد فتح محمد شاهه لڪياري
چيچن داس رائسنگهاڻي
عبدالرزاق سومرو شهيد
نصير سومرو 1
غلام دستگيرسولنگي
اياز خليل چنجڻي
الاهي بخش ٻانڀڻ2