صالح عباسي
صالح عباسي
صالح عباسي: ناليواري اداڪار، اديب ۽ سگهڙ صالح عباسيءَ جو پورو نالو محمد صالح عباسي آهي. سندس جنم 20 جولاءِ 1980ع تي ڳوٺ محمد خان ڪلهوڙي، تعلقي ڏوڪري، ضلعي لاڙڪاڻي ۾ ٿيو. سندس تعليم ماسٽرس آهي. کيس ننڍپڻ کان اداڪاريءَ جو شوق هو، هُن ڊرامن ۾ اداڪاريءَ جي شروعات اسٽيج ڊرامن کان ڪئي. سندس پهريون اسٽيج ڊرامو ‘جاگير’ هو. سندس مشهور اسٽيج ڊرامن ۾ ‘سنڌ جا پٽ’، ‘بلڊ آف سنڌ’، ‘فيصلو’، ‘جاڳ ڀٽائي گهوٽ’، ‘دما دم مست قلندر’، ‘دشمن’، ‘کل ته سهي’، ‘سارنگ’ وغيره. سنڌي ٽي. وي چئنل تي نشر ٿيل ڊرامن ۾ ‘يتيم’، ‘ڪوڙڪي’ ۽ ٽيلي فلم ‘گوريلا’ قابل ذڪر آهن. صالح عباسي سٺو ريڊيو آرٽسٽ، ڪمپيئر، صحافي ۽ سگهڙ پڻ آهي. هن ڪيترو وقت ريڊيو پاڪستان لاڙڪاڻي تي لوڪ ادب جي حوالي سان پروگرام ڪيا آهن. صالح عباسي روزاني فاسٽ ٽائيمز لاڙڪاڻي ۾ ادبي صفحي جو انچارج هجڻ سميت روزانو هڪ اديبن جو خاڪو لکندو رهي ٿو. سندس ڪهاڻين جو ڪتاب ‘روح جون رولاڪيون’ 2016ع ۾ ڇپجي پڌرو ٿيو. کيس مڃتا طور ڪيترائي اوارڊ ملي چڪا آهن. هي لاڙڪاڻي ۾ رهائش پذير آهي.
لفظ صالح عباسيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1980.07.20 عيسوي
صالح عباسي جو جنم 20 جولاءِ 1980ع تي ڳوٺ محمد خان ڪلهوڙي، تعلقي ڏوڪري، ضلعي لاڙڪاڻي ۾ ٿيو.
شخصيتون - ڀاڱي جون ٻِيون داخلائون
استاد رسول بخش ڪلهوڙوايس آر راءُ
علي شير شيدي
جوڻيجوعبدالخالق
حڪم
شرف النساءِ لغاري
خداداد خان (ثاني)
سڪندر سومرو
خيرو اوٺوال
فضل الله انڍڙ