صبغت ﷲ انڍڙ ڊاڪٽر: ڊاڪٽر صبغت ﷲ انڍڙ تعلقي پني عاقل ڳوٺ ابراهيم انڍڙ ۾ پهرين فيبروري 1952ع تي ڄائو. ڊاڪٽر صبغت ﷲ انٽر کان ايل. ايل. بي تائين خانگي طور امتحان ڏنا. ان کان سواءِ اسلامڪ ڪلچر ۾ ايم. اي بہ ڪئي آهي. هن 1994ع ۾ علامہ غلام مصطفيٰ قاسميءَ جي نگرانيءَ ۾ سنڌ يونيورسٽيءَ مان پي. ايڇ. ڊي ڪئي. سندس پي. ايڇ. ڊي مقالي جو عنوان ’شيخ حماد ﷲ‘ ڪامل روحاني ۽ مذهبي رهنما‘ هو. ڊاڪٽر صبغت ﷲ 1979ع ۾ ايئرفورس ۾ شامل ٿيو ۽ 1995ع ۾ وارنٽ آفيسر طور رٽائر ٿيو. سندس مضمون ۽ مقالا سنڌ جي ڪيترن ئي رسالن ۾ ڇپبا رهيا آهن. هي ماهوار رسالي ’سائنسي ڄاڻ‘ جو ايڊيٽر بہ رهيو. النور ايڊيوڪيشن فائونڊيشن جو چيئرمئن ۽ سکر هسٽاريڪل سوسائٽي جو باني ميمبر پڻ آهي، سندس هڪ ڪتاب ’ڏٺي ڏينهن ٿيا‘ڇپيل آهي .
01.02.1952 عيسوي
ڊاڪٽر صبغت الله انڍڙ تعلقي پني عاقل ڳوٺ ابراهيم انڍڙ ۾ پهرين فيبروري 1952ع تي ڄائو