صبيحا نذير مگسي

صبيحا نذير مگسي: اردو اديبا صبيحه نذير مگسي 24 مئي 1957ع تي مزنگ محلي، لاهور ۾ پيدا ٿي. هن انٽر تائين تعليم لاهور شھر ۾ حاصل ڪئي. 1976ع ۾ سندس شادي ناليواري اديب ڊاڪٽر لياقت مگسيءَ سان ٿي، جنهن بعد هوءَ دادو سنڌ ۾ رهائش پذير ٿي. هن ايم. اي سوشيالاجي سنڌ يونيورسٽيءَ مان حاصل ڪئي. 1985ع ۾ هن ماسٽرس ۾ مونوگراف ‘اسلام ۾ عورت ڪي حيثيت’ عنوان سان لکيو. ان کان سواءِ اڪانامڪس ۾ پڻ ماسٽرس ڪيائين. تعليم مڪمل ڪرڻ بعد هوءَ سوشل ويلفيئر کاتي ۾ سوشل ويلفيئر آفيسر مقرر ٿي، جنهن تان 2017ع ۾ رٽائر ٿي. صبيحه کي سنڌي، اردو، سرائيڪي، پنجابي ۽ انگريزي ٻولين تي دسترس حاصل آهي. هن ڪيترائي تحقيقي مقالا پڻ لکيا آهن. سندس هڪ ڪتاب ‘اسلام ۾ عورت ڪي حيثيت’ 2017ع ۾ شايع ٿيو. سندس هڪ ڌيءَ ڊاڪٽر صائمه مگسي ناليواري ڊاڪٽر آهي.

داخلا ۾ استعمال ٿيل تاريخون

1957.05.24  عيسوي

صبيحه نذير مگسي 24 مئي 1957ع تي مزنگ محلي، لاهور ۾ پيدا ٿي.

اديب - ڀاڱي جون ٻِيون داخلائون