صمصام الدوله (خطاب): هيءُ خطاب سنڌ جي نامور ڪلهوڙا حڪمران ميان غلام شاھہ ڪلهوڙي کي افغان درٻار طرفان عطا ٿيو هو. ڪڇ تي جڏهن ميان غلام شاھہ پهرين چڙهائي 1176ھہ/ 1763ع ۾ ۽ ٻي چڙهائي 1178ھہ/ 1764ع ۾ ڪري فتحياب ٿي واپس موٽي رهيو هو ته، کيس افغاني درٻار طرفان ‘صمصام الدوله’ جو خطاب عطا ٿيو. صمصام الدوله خطاب ايترو تہ مشھور ٿيو، جو هر خاص و عام، گهڻو ڪري سنڌ جي حاڪم ميان غلام شاھہ ڪلهوڙي کي ‘صمصام الدوله’ جي نالي سان پڪاريندا هئا. ان کان اڳ ميان صاحب کي ‘شاھہ ويردي خان’ جو خطاب پڻ مليو هو.