طفيل علي عبدالرحمان
طفيل علي عبدالرحمان
طفيل علي عبدالرحمان: مشهور وڪيل، طفيل علي عبدالرحمان سنڌ جي مشهور بئريسٽر عبدالرحمان جو پُٽ، ۽ وائيس چانسلر سنڌ يونيورسٽي بئريسٽر حسن علي عبدالرحمان جو ننڍو ڀاءُ هو. سندس جنم 24 سيپٽمبر 1921ع تي ڪراچيءَ ۾ ٿيو. ننڍپڻ کان هوشيار هوندو هو. مئٽرڪ تائين تعليم نيروبي آفريڪا مان، ۽ عليڳڙهه يونيورسٽيءَ مان ايل. ايل. بي جي ڊگري حاصل ڪيائين. طفيل علي عبدالرحمان وڪالت جي شروعات ڪمپني لا (جنهن کي اڄ ڪوآپريٽو لا چئجي ٿو) ۾ پرئڪٽس ڪرڻ سان ڪئي. ايڊووڪيٽ طفيل علي عبدالرحمان ۽ سندس وڏو ڀاءُ حسن علي عبدالرحمان سنڌ مسلم لا ڪاليج جا باني آرڪيٽيڪٽ هُئا. هن 1943ع ۾ سنڌ چيف ڪورٽ (جنهن کي اڄ ڪلهه هاءِ ڪورٽ چوندا آهن) جي وڪيلن واري بار ۾ شموليت اختيار ڪئي. 1952ع ۾ سنڌ جو اسسٽنٽ ايڊووڪيٽ جنرل مقرر ٿيو. 59-1958ع ۾ هاءِ ڪورٽ بار ايسوسيئيشن جو صدر چونڊيو ويو ۽ 1959ع ۾ پاڪستان جي دستوري ڪميشن جو ميمبر نامزد ٿيو. 1960ع ۾ پاڪستان جي آئيني ڪميشن جو ميمبر نامزد ٿيو. 1960ع ۾ پاڪستان جو ڊپٽي اٽارني جنرل ۽ 1961ع ۾ پاڪستان جو اٽارني جنرل مقرر ٿيو. 1966ع کان 1969ع تائين اولهه پاڪستان بار ڪائونسل جو ميمبر رهيو. 1967ع ۾ قانون ۾ سڌاري آڻڻ لاءِ وهاريل ڪميشن جو ميمبر نامزد ٿيو. 1970ع کان 1975ع تائين سنڌ ۽ بلوچستان هاءِ ڪورٽ جو چيف جسٽس رهيو. 1971ع واري جنگ بابت انڪوائري ڪميشن جو ميمبر مقرر ڪيو ويو، جيڪا ڪميشن ’حمودالرحمان‘ جي نالي سان مشهور آهي. ڪجهه عرصي لاءِ بلوچستان ۽ پوءِ سنڌ جو قائم مقام گورنر پڻ رهيو. ملڪ جي اندر توڙي ٻاهر کيس عزت جي نگاهه سان ڏٺو ويندو هو. سندس ذاتي لائبريريءَ ۾ هڪ لک کان به وڌيڪ ڪتاب رکيل هوندا هئا، جن ۾ قانوني ۽ جديد انگريزي ادب جي ڪتابن جي گهڻائي هئي. کيس فوٽوگرافيءَ سان تمام گهڻو لڳاءُ هوندو هو جو پاڻ پنهنجي گهر ۾ هڪ ڊارڪ روم پڻ قائم ڪيو هو، جتي هو پنهجيون تصويرون پاڻ ڊولپ ڪندو هو ۽ کيس بِرج (تاش) راند ۾ مهارت حاصل هئس. هن 16 جنوري 1975ع تي چونجاهه سالن جي ڄمار ۾ وفات ڪئي. ايڊووڪيٽ طفيل علي عبدالرحمان عدليا جي آزادي لاءِ وڏو ڪردار ادا ڪيو، جنهن تي کيس سندس وفات جي 30 سالن کان پوءِ پاڪستان سپريم ڪورٽ پاران 2006ع ۾ ايوارڊ سان نوازيو ويو.
لفظ طفيل علي عبدالرحمانھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1921.09.24 عيسوي
طفيل علي عبدالرحمان جو جنم 24 سيپٽمبر 1921ع تي ڪراچيءَ ۾ ٿيو.
1975.01.16 عيسوي
طفيل علي عبدالرحمان 16 جنوري 1975ع تي چونجاهه سالن جي ڄمار ۾ وفات ڪئي.
شخصيتون - ڀاڱي جون ٻِيون داخلائون
پرٿوي راج چوهاڻڄام گوڙجي(اول)
اي بي آڏواڻي
ڀٽو مولا بخش مسڪين
اعجاز سمون
عارف سنائي مخدوم
سلطان مقيم بيگلار جي نياڻي
طالب حسين مغل
سليم ڀٽو لطيفي
شيخ ابراهيم ڪلهوڙو