حاجي عالم شير گبول

عالم شير گبول، حاجي: شاعر حاجي عالم شير گبول 14 جون 1947ع تي ڳوٺ صابو خان گبول، تعلقي ميرپور ساڪرو ۾ غازي خان گبول جي گهر ۾ جنم ورتو. پرائمري تعليم پنهنجي ڳوٺ جي اسڪول مان حاصل ڪيائين. قرآن مجيد ۽ تفسير مولانا محبوب خان وٽ پڙهيو. اڳتي هلي پاڪستان اسٽيل مل ۾ نوڪري ڪيائين. ننڍپڻ کان ئي لاڙ جي سگهڙن ۽ لطيف جي پارکن جون رهاڻيون ٻڌندي شاعري ڏانهن لاڙو ٿيس. جنهن ڪري محمد دائود ’ڀائل‘ عرف شمشاد ساڪرائي کان شاعري جي اصلاح وٺي باقاعدي شاعري ڪرڻ لڳو. شاعري ۾ ’عالم‘ تخلص ڪتب آندو اٿس. سندس شاعريءَ تي سگهڙن جي فن جو گهڻو اثر آهي. سندس شاعري جو مجموعو ‘رهاڻيون روح وارن جون’ فيبروري 2010ع ۾ ڇپجي چڪو آهي.

داخلا ۾ استعمال ٿيل تاريخون

1947.06.14  عيسوي

شاعر حاجي عالم شير گبول 14 جون 1947ع تي ڳوٺ صابو خان گبول، تعلقي ميرپور ساڪرو ۾ غازي خان گبول جي گهر ۾ جنم ورتو.

شاعر - ڀاڱي جون ٻِيون داخلائون