عباس سارنگ
عباس سارنگ
عباس سارنگ: نوجوان ڪهاڻيڪار عباس سارنگ جو پورو نالو عباس علي ولد رسول بخش سومرو آهي. سندس جنم 12 آگسٽ 1972ع تي جيڪب آباد شهر ۾ ٿيو. هن ابتدائي تعليم گورنمينٽ پرائمري فيملي لائين اسڪول جيڪب آباد مان، مئٽرڪ ڪراچيءَ مان 1989ع ۾، انٽر سول ٽيڪنالاجيءَ ۾ ڪراچيءَ مان 1993ع ۾، ايم. اي (سنڌي) شاهه لطيف يونيورسٽي خيرپور مان 1998ع ۾ حاصل ڪئي. هن 2006ع ۾ ايل. ايل. بي جو امتحان پاس ڪيو. سندس ڪهاڻيون مختلف ادبي رسالن توڙي اخبارن ۾ شايع ٿينديون رهن ٿيون. هي سنڌي ادبي سنگت شاخ جيڪب آباد جو مختلف وقتن تي سيڪريٽري رهي چڪو آهي. هينئر سنڌي ادبي سنگت ضلعي جيڪب آباد جو رابطه سيڪريٽري آهي. سندس ڇپيل ڪتابن ۾ ‘پکي اڏاڻا پيار جا’ (ڪهاڻيون: 2005ع)، ‘مقدس مٽي’ (ڪهاڻيون: 2009ع)، ‘مئل مک’ (ڪهاڻيون: 2015ع) ۽ ٻارن لاءِ ڪهاڻين جو ڪتاب ‘مٽيءَ جو هاٿي’ (2018ع) شايع ٿيل آهن. کيس سنڌي ادبي سنگت طرفان ‘بهترين ڪهاڻيڪار اوارڊ’ ۽ ‘استاد مهر عبداللطيف اوارڊ’ مليل آهن. هيءُ سيشن ڪورٽ جيڪب آباد جو ملازم آهي ۽ جيڪب آباد ۾ رهي ٿو.
لفظ عباس سارنگھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1972.08.12 عيسوي
عباس سارنگ جو جنم 12 آگسٽ 1972ع تي جيڪب آباد شهر ۾ ٿيو.
شخصيتون - ڀاڱي جون ٻِيون داخلائون
جعفري ضميرپير شاهه
خشڪ عبدالله
حمود الرحمان جسٽس
ايوب خان
زبيده قادري آپا
تيمور لنگ
ٿهيم عبدالرزاق جسٽس
تارا ميرچنداڻي
شائق واڌو مل لالچند لعل