عبدالجبار وڪيل: عبدالجبار وڪيل 17 سيپٽمبر 1884ع تي ڪراچيءَ ۾ پيدا ٿيو. هن جو خاندان اصل ۾ عربستان جي زبيري قبيلي مان هو. ميان عبدالجبار وڪيل ابتدائي ۽ سيڪنڊري تعليم سنڌ مدرسي ۾ حاصل ڪئي. ڪجهہ وقت مدرسي ۾ معلم رهيو، 1908ع ۾ بمبئي هاءِ ڪورٽ مان وڪالت جو امتحان پاس ڪيائين. 1909ع ۾ حيدرآباد شھر ۾ رئيس غلام محمد ڀرڳڙيءَ جي سرپرستيءَ ۾ وڪالت جي شروعات ڪيائين. رئيس غلام محمد جي صحبت ۾ وڪالت ۽ ملڪي مسئلن کان وڌيڪ واقف ٿيو. وڪالت سان گڏ سماجي ۽ سياسي معاملن ۾ گهڻي دلچسپي وٺندو هو. 1919ع ۾ خلافت تحريڪ ۾ هن نمايان حصو ورتو. 1920ع خلافت ڪميٽيءَ جو جنرل سيڪريٽري مقرر ٿيو. ڪانگريس جي پليٽ فارم تان هن عدم تعاون واري تحريڪ ۾ ڀرپور حصو ورتو. ڪجهہ وقت لاءِ جيل بہ ويو. انڊيا ڪانگريس'>آل انڊيا ڪانگريس ڪميٽيءَ جو سرگرم ميمبر رهيو. سنڌ ڪانگريس ڪميٽيءَ جو صدر بہ رهيو. 1933ع ۾ حيدرآباد ميونسپالٽيءَ جو ميمبر رهيو. 1934ع ۾ پير غلام محمديءَ سان گڏ مسلم ليگ ۾ شامل ٿيو. حاجي علي اڪبر شاھہ سان گڏ حيدرآباد ۾ جامعہ عربيه قائم ڪرڻ سان گڏ پاڪستان جي تحريڪ ۾ بہ نمايان حصو ورتائين. عبدالجبار مخلص ۽ قومي ڪارڪن هو. هن جي زندگيءَ جو پورو مقصد خدمتِ خلق لاءِ هو. هن 1369ھہ/ 1949ع ۾ وفات ڪئي.
1884.09.17 عيسوي
عبدالجبار وڪيل 17 سيپٽمبر 1884ع تي ڪراچيءَ ۾ پيدا ٿيو. هن 1369هه/ 1949ع ۾ وفات ڪئي.