عبدالرزاق مشرب: ڪلهوڙن جي دؤر جو هي نامور طبيب مير سيد عبدالرزاق مشرب مفاهان جو سيد ۽ سڀني علمن جو ماهر هو، خاص ڪري علم جفر ۽ علم نجوم ۾ سندس ڪو به مثل ان دؤر ۾ ڪو نه هو. مير علي شير قانع ٺٽوي هن کي وقت جو سقراط چوندو هو. عالمگير جي دؤر ۾ بريليءَ وڃي وطن اختيار ڪيائين ۽ اتان جي سيدن سان قرابت ڪيائين. ڪجهه وقت لکنؤ ۾ به گذاريائين ۽ ڪافي عرصو ڪشمير جي صوبيدار نوازش خان روميءَ وٽ پڻ رهيو. آخري عمر ۾ عبدالرزاق سنڌ آيو ۽ اچي ميان دائود خان جي درٻار ۾ رهيو. ميان دائود هن جي تمام گهڻي عزت ڪندو. مير عبدالرزاق 1146هه/ 1733ع ۾ وفات ڪئي.