عبدالله بن ارقم رضہ: حضرت عبدالله بن ارقمرضه جي پيءُ ارقم جي پڦي حضرت بيبي آمنہ رضہ پاڻ ڪريم صلي ﷲ عليھ وسلم جن جي والدہ ماجده هئي. حضرت عبدالله رضہ مڪي جي فتح واري موقعي تي مسلمان ٿيو. هو هڪ لکيل پڙهيل ۽ قابل شخص هو، ان ڪري پاڻ ڪريم صلي ﷲ عليہ وسلم جن مراسلن ۽ ٻيو ڪتابت جو سمورو ڪم هن جي حوالي ڪري ڇڏيو. سڀني اميرن سان ڳجهي خط و ڪتابت بہ ان جي ذريعي ٿيندي هئي. حضرت صديق رضہ'>ابوبڪر صديق رضہ ۽ حضرت عمر فاروق رضہ جي خلافت جي زماني ۾ بہ اها خدمت حضرت بن ارقم رضہ'>عبدالله بن ارقم رضہ سرانجام ڏيندو رهيو. ان کان سواءِ بيت المال جي نگراني بہ سندس حوالي هئي. حضرت عثمان رضہ جي خلافت واري دور ۾ هن استعيفا ڏئي ڇڏي، ان جو سبب هي هو تہ پاڻ نظر کان محروم ٿي چڪو هو. سن 35 هجريءَ ۾ وفات ڪيائين، حضرت عبدالله رضہ کان ڪيتريون ئي حديثون روايت ٿيل آهن.