جمالي، عبدالمجيد

عبدالمجيد جمالي : عبدالمجيد ولد فقير محمد جمالي، 10 آگسٽ 1950ع تي ڳوٺ فقير محمد جمالي تعلقي جوهيءَ ۾ ڄائو. بي.اي (آنرز) ۽ ايل.ايل.بي جون ڊگريون حاصل ڪيائين. عبدالمجيد جمالي سماجي سرگرمين ۾ شاگردي واري دور کان وابسته رهيو آهي. 1972ع ۾ کيس سنڌ يونيورسٽي سنڌي ڪلچرل سوسائٽيءَ جو صدر چونڊيو ويو. هن سوسائٽيءَ جو سرپرستِ اعلى ڊاڪٽر غلام علي الانا هو. هن سماجي سرگرمين جو آغاز 1974ع ۾ سگا شاخ ڪراچيءَ ۾ ميمبر جي حيثيت سان ڪيو. سگا شاخ دادوءَ کي فعال بنايو. سال 1981ع ۾ سگا شاخي دادو جو جنرل سيڪريٽري به رهيو. سال 1984ع ۾ سگا تي بندش پئي ته کيس صدر چونڊيو ويو. 1989ع ۾ سنڌ اسيمبلي بل پاس ڪري سگا تان بندش لاٿي، جنهن بعد هي وائيس چيئرمين چونڊيو ويو. وري سال 1996ع ۾ ٻن سالن لاءِ وائيس چيئرمين حيدرآباد ڊويزن منتخب ڪيو ويو. سال 1998ع ۾ ٻن سالن لاءِ شاخ جو صدر چونڊيو ويو. هن سال 1991ع ۾ سگا جي پليٽ فارم تان سنڌي ايسوسيئيشن آف نارٿ آمريڪا ۾ سيمينار ۾ شرڪت پڻ ڪئي.

داخلا ۾ استعمال ٿيل تاريخون

1950.08.10  عيسوي

عبدالمجيد ولد فقير محمد جمالي، 10 آگسٽ 1950ع تي ڳوٺ فقير محمد جمالي تعلقي جوهيءَ ۾ ڄائو.

شخصيتون - ڀاڱي جون ٻِيون داخلائون