عبد سنڌي
عبد سنڌي
عبد سنڌي: شاعر عبد سنڌيءَ جو پورو نالو عبدالله ولد عبدالرشيد آهي. سندس جنم 8 جون 1954ع تي ڳوٺ اوڀاڙو، تعلقي سجاول ۾ ٿيو. ابتدائي تعليم گورنمينٽ پرائمري اسڪول اوڀاڙو، سيڪنڊري تعليم گورنمينٽ هاءِ اسڪول سجاول ۽ گورنمينٽ ڊگري ڪاليج سجاول ۾ حاصل ڪيائين. بي.ايڊ ۽ ايم.اي جي تعليم پڻ حاصل ڪيائين. 1989ع ۾ سنڌي ادبي سنگت جو ميمبر ٿيو، 1990ع ۾ سـيـڪريـٽـري سـنـڌي ادبـي سـنگـت سجاول طور ادبي سرگرميون سرانجام ڏنائين. اڃا تائين ساس سان لاڳاپيل آهي. 1992ع کان سجاول ۾ هڪ ميوزيڪل ادارو (لطيف ميوزيڪل ڪلب) سجاول جو بنياد وڌائين، جنهن ڪيترن فنڪارن کي سنڌ ۾ روشناس ڪرايو. شاعريءَ جي شروعات سرويچ سجاوليءَ، محمد خان مجيدي ۽ ابراهيم منشيءَ جي صحبت ۾ رهي 1986ع کان ڪيائين. سندس هڪ ڪتاب ‘سڏڪا سڏڪا سنڌ’ جي نالي سان شايع ٿيل آهي. سندس ڪيترائي مضمون ۽ شاعري اخبارن ۾ شايع ٿيندا رهن ٿا. ‘شاهه جي رسالي’ جي پارکو هئڻ سان گڏ موسيقيءَ جو به ڄاڻو آهي. گائڪي به ڪندو آهي. رهائش ضلعي سجاول ۾ اٿس.
لفظ عبد سنڌيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1954.07.08 عيسوي
شاعر عبد سنڌيءَ جو پورو نالو عبدالله ولد عبدالرشيد آهي. سندس جنم 8 جون 1954ع تي ڳوٺ اوڀاڙو، تعلقي سجاول ۾ ٿيو.
شاعر - ڀاڱي جون ٻِيون داخلائون
شبنم موتيمير عبدالرسول مير ٽالپر
ٻڍڙو فقير
چانڊيو محمد حسن
آريجو غلام عمر غلام
مشتاق بخاري
ابو البقا ملا ٺٽوي
شاهه عبداللطيف ڀٽائي
صوفي صادق فقير
رشيد احمد لاشاري