عين العلم (قلمي نسخو)
عين العلم
عين العلم (قلمي نسخو): هي عربي ٻوليءَ ۾ لکيل ڪتاب نصيحتن تي مشتمل آهي، جنهن جو مصنف ملا عثمان بلخي آهي. هن جي ڪاتب ۽ ڪتابت جي تاريخ بابت نسخي ۾ ڪجهه به ڄاڻايل نه آهي. ڪتاب جي شروعات هن طرح ٿئي ٿي: ”بسم الله الرحمن الرحيم يار رب يا رباه بسمڪ…. الخ“ نصيحتن تي عربي ٻوليءَ ۾ لکيل هي ڪتاب نسخ واري خط ۾ تحرير ٿيل آهي، هر صفحي تي 14 سٽون آهن. 14 صفحن تي مشتمل هي قلمي نسخو سنڌي ادبي بورڊ جي ڪتبخاني ۾ محفوظ آهي.