غلام حسين ڏيپر
غلام حسين ڏيپر
غلام حسين ڏيپر: مشهور اداڪار غلام حسين ڏيپرر، 1958ع ڌاري ڳوٺ منٺار ڏيپر، تعلقي نصيرآباد، ضلعي قنبر شهدادڪوٽ ۾ پيدا ٿيو. سندس تعليم انٽر هئي. کيس ننڍپڻ کان وٺي اداڪاريءَ ۾ دلچسپي هئي. هن پنهنجي فني زندگيءَ جي شروعات اسٽيج ڊرامن کان ڪئي. هن ڪن ڊرامن ۾ ڇوڪريءَ جو ڪردار پڻ ادا ڪيو آهي. سندس ڪيترائي ڊراما پي. ٽي. ويءَ سميت ڪي. ٽي. اين ۽ ٻين سنڌي چئنلن تان نشر ٿيا آهن. سندس مشهور اسٽيج ڊرامن ۾: امن، شيطان، ايف. آءِ. آر، ڀاءُ جو ويري؛ ڊرامن ۾: انتظار گاهه، تپش، وڪوڙيل وجود، رواج، وفائون منتظر آهن، مولو مسافرخانو، پٿر دنيا وغيره قابل ذڪر آهن. غلام حسين ڏيپر هڪ سنڌي فلم ‘فيصلو ضمير جو’ ۾ ڀرپور ڪردار ادا ڪيو. هن هڪ ٽيلي فلم ۾ ٽريجڊي رول ادا ڪندي دل جي دوري سبب وفات ڪئي.
لفظ غلام حسين ڏيپرھيٺين داخلائن ۾ پڻ استعمال ٿيل آھي