ڊاڪٽر غلام مصطفيٰ کهڙو

غلام مصطفيٰ کهڙو، ڊاڪٽر: نامور اديب، شاعر ۽ لطيف شناس، غلام مصطفيٰ کهڙو ولد نور محمد کهڙو، 29 آگسٽ 1964ع تي ڳوٺ دلاور کهڙي، ضلعي خيرپور ميرس ۾ پيدا ٿيو. هيءُ نيشنل بئنڪ حيدرآباد ۾ گريڊ ون آفيسر طور پنهنجون خدمتون سرانجام ڏئي رهيو آهي. سندس ڪيترا تحقيقي مقالا ۽ مضمون مختلف اخبارن ۽ تحقيقي جرنلن ۾ ڇپجي چڪا آهن.
غلام مصطفيٰ کهڙي، سنڌ يونيورسٽيءَ مان سنڌي شعبي ۾ ‘شاھہ لطيف تي ٿيل تحقيق جو جائزو’ عنوان سان پي. ايڇ. ڊي ڪئي آهي. سندس ڇپيل ڪتابن ۾: (1) سخي بابا صلاح الدين چترالي (2012ع)، (2) شاھہ لطيف تي ٿيل تحقيق جو جائزو (2013ع)، (3) محمد شاھہ مڪي (2013ع)، (4) شاھہ لطيف جي سوانح ۽ شاعريءَ ۾ لاشعوريت (2013ع)، (5) سڄڻ ۽ ساڻيھہ (مقالا ۽ مضمون: 2015ع) شامل آهن. هيءُ هن وقت حيدرآباد ۾ رهائش پذير آهي.

داخلا ۾ استعمال ٿيل تاريخون

1964.08.29  عيسوي

نامور اديب، شاعر ۽ لطيف شناس، غلام مصطفيٰ کهڙو ولد نور محمد کهڙو، 29 آگسٽ 1964ع تي ڳوٺ دلاور کهڙي، ضلعي خيرپور ميرس ۾ پيدا ٿيو.

شخصيتون - ڀاڱي جون ٻِيون داخلائون