فاطمه ثريا بجيا

فاطمه ثريا بجيا

فاطمہ ثريا بجيا

فاطمہ ثريا بجيا: فاطما ثريا بجيا پھرين سيپٽمبر 1930ع تي حيدرآباد دکن (انڊيا) ۾ قمر مقصود حميديءَ جي گهر ۾ جنم ورتو. سندس خاندان جو تعلق ناليواري صوفي بزرگ حميدالدين ناگپوري سان هو. سندس ڀائرن ۾ ناليوارو اديب ۽ ڪمپيئر انور مقصود ۽ احمد مقصود، ڀينرن ۾ سارا نقوي، ناليواري افسانہ نويس ۽ شاعرہ زھرہ نگار کان سواءِ آپا زبيدہ طارق سندس خاندان جون اهم شخصيتون آهن. هن جو خاندان ورهاڱي کان پوءِ 1948ع ۾ پاڪستان آيو ۽ ڪراچيءَ ۾ رهائش پذير ٿيو. فاطما ثريا بجيا ڪنھن بہ اسڪول مان باقاعدہ تعليم حاصل نہ ڪئي، کيس اردو، عربي، فارسي، سنسڪرت ۽ انگريزي ٻولين ۾ سٺي ڄاڻ حاصل هئي. هن تيرهن سالن جي ڄمار ۾ پھريون ناول ’مسلم سماج‘ جي عنوان سان لکيو. سندس لکيل افسانا، ڪھاڻيون ۽ ناول مختلف اخبارن ۾ شايع ٿيندا رهيا. بجيا هفتيوار اردو رسالي ’اخبار جھان‘ ۾ مقبول سلسلي ’باگيشري‘ ۾ ڪافي وقت تائين لکيو. ان کانسواءِ مختلف اخبارن ۽ رسالن ۾ سندس لکيل سلسلا ۽ طويل ڪھاڻيون ڇپيون. هن پاڪستان ٽيليويزن لاءِ 1982ع کان لکڻ جي شروعات ڪئي.
هن ناليوارن اديبن حشر ڪاشميري'>آغا حشر ڪاشميري، ڊپٽي نذير احمد ۽ منشي پريم چند جي حياتيءَ تي ڊرامائي فيچر پڻ لکيا. هن جا لکيل ڊراما ’شمع‘، ’افشان‘، ’آبگيني‘، ’بابر‘، ’انا‘، ’عروسا‘، ’انارڪلي‘، ’زينت‘، ’آگهي‘، ’سسئي پنھون‘ ۽ ٻيا نھايت مقبول ويا، جيڪي سماجي ۽ خانداني مسئلن جي عڪاسي ڪندڙ آهن. هن ريڊيو لاءِ پڻ ڪيترائي ڊراما لکيا، جن ۾ ’مسافر‘، ’راستي اور منزلين‘ يادگار ريڊيائي سلسلا رهيا. هن جاپاني لوڪ ڪھاڻين جو ترجمو ڪرڻ کان سواءِ سنڌ جي نامياري شاعر شيخ اياز جي افسانن کي اردوءَ ۾ ترجمو ڪيو. سندس ادبي، فني ۽ ثقافتي خدمتن عيوض 1997ع ۾ پاڪستان حڪومت پاران کيس ’حسن ڪارڪردگي‘ ايوارڊ سان نوازيو ويو. 2012ع ۾ کيس پاڪستان جي طرفان ’هلال امتياز‘ پڻ ڏنو ويو. ان کانسواءِ هن کي ڪيترائي قومي ۽ عالمي ايوارڊ ڏنا ويا. اسٽيج لاءِ لکيل سندس ڊرامن ۾ ’خوشبو ڪا جهونڪا‘، ’نيز نشان منزل‘، ’ذرا بچ ڪي‘ ۽ ’زبانِ يارمن‘ شامل آهن. فاطما ثريا بجيا اديب ۽ ليکڪا سان گڏ هڪ سماجي شخصيت هئي. هن 10 فيبروري 2016ع تي وفات ڪئي. کيس ڪراچيءَ جي ڊفينس واري قبرستان ۾ دفن ڪيو ويو.

لفظ فاطمہ ثريا بجياھيٺين داخلائن ۾ پڻ استعمال ٿيل آھي
زبيدہ آپا
هن صفحي کي شيئر ڪريو

داخلا ۾ استعمال ٿيل تاريخون

1930.09.01  عيسوي

فاطما ثريا بجيا پھرين سيپٽمبر 1930ع تي حيدرآباد دکن (انڊيا) ۾ قمر مقصود حميديءَ جي گهر ۾ جنم ورتو.


2016.02.10  عيسوي

فاطما ثريا بجيا اديب ۽ ليکڪا سان گڏ هڪ سماجي شخصيت هئي. هن 10 فيبروري 2016ع تي وفات ڪئي. کيس ڪراچيءَ جي ڊفينس واري قبرستان ۾ دفن ڪيو ويو.


شخصيتون - ڀاڱي جون ٻِيون داخلائون

ڏاهري غلام محمد
ماڻڪ ڪنگراڻي
ذهين شاھہ تاجي
راجا رام موهن راءِ
اياز علي شاھہ شيرازي
قمرالزمان شاھہ سيد
باغ محمد بيشڪ جوکيو
ڀاڳت فقير
امداد ڪانھيو
آر اي شاھہ
شخصيتون ڀاڱي جا وڌيڪ مضمون