ڊاڪٽر فتح محمد برفت

فتح محمد برفت، پروفيسر، ڊاڪٽر: ڊاڪٽر فتح محمد ولد قادر بخش برفت 18 فيبروري 1957ع تي ڪراچيءَ ۾ پيدا ٿيو. هن ايم. اي سماجيات (سوشيالاجي) جي شعبي ۾ ۽ پي. ايڇ. ڊي ڪراچي يونيورسٽيءَ مان 1988ع ۾ ڪئي. هو 1983ع ڌاري سوشل ويلفيئر کاتي ۾، سوشل ويلفيئر آفيسر مقرر ٿيو. 1988ع ۾ ڪراچي يونيورسٽيءَ جي سوشيالاجي شعبي ۾ ليڪچرار مقرر ٿيو. 1996ع ۾ کيس شاھہ لطيف چيئر جو ڊائريڪٽر مقرر ڪيو ويو. 2002ع ۾ سوشيالاجي ڊپارٽمينٽ جي پروفيسر ۽ چيئرمين جي عھدي تي رهيو. 2007ع ۾ گرين وچ يونيورسٽي، ڪراچيءَ جي سوشل سائنس فئڪلٽي جو ڊين مقرر ٿيو. 2014ع کان 2017ع تائين ڪراچي يونيورسٽيءَ ۾ اسٽوڊنٽس گائيڊينس، ڪاؤنسلنگ، پليسمينٽ اينڊ اوورسيز ايگزامينيشن بيورو جي ڊائريڪٽر طور خدمتون سرانجام ڏنائين. ساڳئي سال 2014ع ۾ کيس ڪراچي يونيورسٽيءَ جي ڪرمنالاجي شعبي جو باني چيئرمين مقرر ڪيو ويو. جڏهن تہ 2017ع کان 2020ع تائين سنڌ يونيورسٽيءَ جو وائيس چانسلر پڻ رهيو.

داخلا ۾ استعمال ٿيل تاريخون

1957.02.18  عيسوي

ڊاڪٽر فتح محمد ولد قادر بخش برفت 18 فيبروري 1957ع تي ڪراچيءَ ۾ پيدا ٿيو.

شخصيتون - ڀاڱي جون ٻِيون داخلائون