فتح محمد شهزاد ٿيٻو

فتح محمد شھزاد ٿيٻو: فتح محمد شھزاد ٿيٻي جو جنم ضلعي ٽنڊي الھيار، تعلقي چنبڙ جي ڳوٺ مير محمد ٿيٻي ۾ 1952ع ڌاري ٿيو. هن ايم. اي (سنڌي) تائين تعليم حاصل ڪئي. لکڻ پڙهڻ جي شروعات اردو ڊائجسٽ ۾ ڪھاڻيون لکڻ سان ڪيائين. ان کانسواءِ شاعري پڻ ڪيائين. صحافت سان بہ لاڳاپيل رهيو ۽ ’ولھار‘ نالي اخبار جاري ڪيائين. هن ولھار پبليڪيشن قائم ڪري پنھنجا 3 ڪتاب ’راڻي سندا رنگ‘، ’سنڌ جو سڳنڌ‘ ۽ ’دلبر منھنجي ديس جا‘ پڌرا ڪيا. هن پنھنجي مامي ڪامريڊ صديق ٿيٻي جي صحبت ۾ علم، ادب تاريخ ۾ گهڻو پرايو. تاريخ تي لکيل سندس ڪيترائي ڪتاب اڻ ڇپيل آهن. فتح محمد شھزاد وٽ قديم سڪن کانسواءِ تاريخي نوادرات جو پڻ وڏو ذخيرو موجود آهي.

شخصيتون - ڀاڱي جون ٻِيون داخلائون