قاسم حيدر سمون

قاسم حيدر سمون: قاسم حيدر سمي 10 جنوري 1955ع تي جوڻ، تعلقي ٽنڊي غلام حيدر، ضلعي ٽنڊي محمد خان ۾ غلام حيدر سمي جي گهر ۾ جنم ورتو. هن صحافتي زندگيءَ جي شروعات هاءِ اسڪول ۾ تعليم پرائڻ دوران ڪئي. سنڌالاجي ڄام شورو ۾ بہ ڪم ڪيائين. 1998ع ۾ روزاني ’سوال‘ حيدرآباد جو ايڊيٽر بہ رهيو. 1974ع کان 1986ع تائين هن ريڊيو پاڪستان حيدرآباد اسٽيشن تي اسڪرپٽ رائيٽر، ڪمپيئر ۽ نيوز ايڊيٽر طور بہ خدمتون سرانجام ڏنيون، هن اسٽيج ڊراما رائيٽر ۽ ڊراما آرٽسٽ طور پڻ اهم ڪردار ادا ڪيو، بدين جي لاڙ ميوزيم جو انچارج پڻ رهيو. علامہ اقبال اوپن يونيورسٽي اسلام آباد جي انسٽيٽيوٽ آف ايجوڪيشنل ٽيڪنالاجيءَ ۾ ٽي وي ۽ ريڊيو پروڊيوسر طور ڪم ڪيائين. علامہ اقبال اوپن يونيورسٽي اسلام آباد ۾ پروڊيوسر، سينيئر پروڊيوسر، ڊپٽي ڊائريڪٽر طور خدمتون سرانجام ڏنائين. 1993ع کان 1996ع تائين وزير اعظم پاڪستان محترمہ بينظير ڀٽو جون تقريرون لکڻ جو ڪم پڻ ڪيائين.

داخلا ۾ استعمال ٿيل تاريخون

1955.01.10  عيسوي

قاسم حيدر سمي 10 جنوري 1955ع تي جوڻ، تعلقي ٽنڊي غلام حيدر، ضلعي ٽنڊي محمد خان ۾ غلام حيدر سمي جي گهر ۾ جنم ورتو.

شخصيتون - ڀاڱي جون ٻِيون داخلائون