قمر راڄپر: قمر راڄپر جو پورو نالو قمرالزمان ولد ڊاڪٽر زاهد حسين راڄپر آهي. سندس جنم 2 سيپٽمبر 1954ع تي پڊعيدن ڀرسان ڳوٺ حاجي تاج محمد راڄپر، ضلعي خيرپور ۾ ٿيو. ايم. اي جي ڊگري 1978ع ۾ سنڌ يونيورسٽي، ڄام شوري مان حاصل ڪيائين. نوابشاھہ ۾ پڙهڻ دوران شاگرد سياست ۾ داخل ٿيو. 1972ع جساف ضلعي نوابشاھہ جو صدر ۽ 1973ع ۾ جساف سنڌ يونيورسٽيءَ جو صدر ٿيو. سنڌ يونيورسٽيءَ ۾ عبدالحفيظ پيرزادي کي اعزازي ڊگري ڏيڻ دوران ٿيل وڳوڙ سبب هن کي گرفتار ڪيو ويو. ان کان پوءِ 1976ع ۾ بہ کيس ڊي. پي. آر تحت گرفتار ڪري، چئن مھينن تائين قيد ڪيو ويو. ٽيون ڀيرو ضياءُ جي آمريت ۾ گرفتار ٿيو. ضياءُ جي دؤر ۾ جڏهن غوث بخش بزنجي پاڪستان نيشنل پارٽي ٺاهي تہ هي ان ۾ شامل ٿيو. جنھن جو سنڌ لاءِ حاڪم علي خان زرداري صدر ۽ هي جنرل سيڪريٽري رهيو. ان کان پوءِ عبدالحميد خان جتوئي جي صدر هجڻ وقت بہ هي ساڻس گڏ جنرل سيڪريٽري رهيو. 1988ع ۾ مسلم ليگ نواز ۾ شامل ٿيو ۽ سنڌ جو سينيئر نائب صدر رهيو. ان کان پوءِ ۽ ڏهن سالن تائين پاڪستان پيپلز پارٽيءَ ۾ رهيو. اردوءَ ۾ ’صداءِ عوام‘ نالي رسالو پڻ جاري ڪيائين.
1954.09.02 عيسوي
قمر راڄپر جو پورو نالو قمرالزمان ولد ڊاڪٽر زاهد حسين راڄپر آهي. سندس جنم 2 سيپٽمبر 1954ع تي پڊعيدن ڀرسان ڳوٺ حاجي تاج محمد راڄپر، ضلعي خيرپور ۾ ٿيو.