قيوم منگي
قيوم منگي
قيوم منگي (شخصيت): قيوم منگي پھرين آڪٽوبر 1954ع تي شڪارپور شھر ۾ گُلشير منگيءَ جي گهر ۾ جنم ورتو. ايم. اي. تائين تعليم شڪارپور ۾ ڪرڻ بعد ايل. ايل. بي ڪيائين. ڪاليج ۾ پڙهڻ دوران ’جساف‘ ۾ شموليت اختيار ڪيائين، اڳتي هلي جساف ضلعي شڪارپور جو صدر ۽ ڊويزنل آرگنائيزر رهيو. شڪارپور ۾ قيوم منگيءَ جي ڪچي اوطاق، قومي ڪارڪنن جي ڪچھرين جو مرڪز هوندي هئي.
قيوم منگي جي. ايم سيد کي تمام گهڻو ويجهو رهيو. تعليم مڪمل ڪرڻ بعد ’جيئي سنڌ محاذ‘ ۾ شموليت اختيار ڪيائين. آئيني ڪميٽيءَ جو ميمبر رهڻ سان گڏ مرڪزي وائيس چيئرمئن چونڊيو ويو. پاڻ ’چڻنگ سنگت‘ ۾ بہ ڪم ڪيائين. سکر ’جهنڊي واري ڪيس‘ ۾ سائين جي. ايم سيد سان گڏ گرفتار ٿيو ۽ وڏو عرصو جيل ۾ رهيو. ان کانسواءِ بہ ڪيترائي ڀيرا گرفتار ٿيو. جي. ايم سيد جي وفات بعد عبدالواحد آريسر ۽ بشير خان قريشيءَ، پنھنجون پارٽيون ضم ڪري جيئي سنڌ قومي محاذ جوڙيو ۽ قيوم منگي جيئي سنڌ قومي محاذ جو پھريون وائيس چيئرمئن بڻيو.1987ع وارين بلدياتي چونڊن ۾ شھرين جي اصرار تي قيوم منگي حصو ورتو ۽ اڳوڻي صوبائي وزير مقبول شيخ جي سامھون چونڊن ۾ بيٺو، جنھن ۾ ڪامياب ٿيو.
4 جون 1998ع تي بشير خان قريشيءَ تي جناح اسپتال جي ڪينٽين ۾ جڏهن حملو ٿيو، تڏهن قيوم منگي سخت زخمي ٿي پيو. اُن ئي وقت کيس جناح اسپتال جي اسپيشل وارڊ ۾ داخل ڪيو ويو. 22 جون 1998ع تي دم ڌڻيءَ حوالي ڪيائين. سندس مڙھہ شڪارپور آڻي، اباڻي قبرستان ۾ مٽيءَ ماءُ حوالي ڪيو ويو.
لفظ قيوم منگيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1954.10.01 عيسوي
قيوم منگي پھرين آڪٽوبر 1954ع تي شڪارپور شھر ۾ گُلشير منگيءَ جي گهر ۾ جنم ورتو.
1998.06.22 عيسوي
4 جون 1998ع تي بشير خان قريشيءَ تي جناح اسپتال جي ڪينٽين ۾ جڏهن حملو ٿيو، تڏهن قيوم منگي سخت زخمي ٿي پيو. اُن ئي وقت کيس جناح اسپتال جي اسپيشل وارڊ ۾ داخل ڪيو ويو. 22 جون 1998ع تي دم ڌڻيءَ حوالي ڪيائين. سندس مڙهه شڪارپور آڻي، اباڻي قبرستان ۾ مٽيءَ ماءُ حوالي ڪيو ويو.
شخصيتون - ڀاڱي جون ٻِيون داخلائون
فدا حسين ڏيروشيام جئسنگهاڻي
ارباب انور
ممتاز علي ڀنڊ
صالح عباسي
خواجہ محب علي
شفيق احمد مهيسر ميان
چي گويرا
ذهين شاھہ تاجي
غلام مصطفيٰ خان ڀرڳڙي