لياقت رضوي
لياقت رضوي
لياقت رضوي: شاعر ۽ ڪھاڻيڪار لياقت علي شاهه ولد موج علي شاهه رضوي پھرين مئي 1963ع تي نوشھري فيروز شھر ۾ جنم ورتو. سندس تعليم ايم.ايل.ايس ۽ ايم.اي (سنڌي) آهي. هي عملي زندگي ۾ اسسٽنٽ اڪائونٽنٽ واپڊا حيدرآباد، سيڪنڊري استاد ۽ عبرت اخبار جي ادبي صفحي جو انچارج به رهيو. ان کان پوءِ ڪيڊٽ ڪاليج پيٽاري ۾ لائبريرين مقرر ٿيو، جتان 30 اپريل 2023ع تي رٽائرڊ ڪيائين. لياقت ’ساٿي ٻارڙا سنگت‘، ’ينگ رائيٽرس گلڊ‘ ۽ ’سنڌي ادبي سنگت‘ نوشھري فيروز لاءِ سيڪريٽري، نوشھري فيروز مان نڪرندڙ ’رتيءَ رهاڻ‘ ادبي رسالي جو ڪو ايڊيٽر، ’ناٽڪ‘ ادبي رسالي حيدرآباد جو ايڊيٽر رهي چڪو آهي. سندس ڇپيل ڪتابن ۾: ’اوندهه ۾ رکيل آئينو‘ (ڪھاڻيون، 2009ع)، ’233 ۽ ٻيون ڪھاڻيون‘ (ڪھاڻيون، 2011ع)، ’تنھنجي اک آڻي ٿي مون کي‘ (نثري نظم، 2021ع) ۽ ’تنھنجي غير موجودگيءَ سان گفتگُو‘ (نثري نظم، 2024ع) شامل آهن. سندس ڪھاڻين جي ڪتابن: ’اوندهه ۾ رکيل آئينو‘ (2009ع) ۽ ’233 ۽ ٻيون ڪھاڻيون‘ (2011ع) کي سنڌي ٻوليءَ جي بااختيار اداري، حيدرآباد پاران سال جا بھترين ڪتاب قرار ڏئي انعام ڏنا ويا. ان کانسواءِ سندس ڪھاڻي ’جنم شھر ۾ وڇوڙي جا پل‘ کي پي.ٽي.وي جي پروگرام ’سُڳنڌ‘ پاران 1980ع ۾ ايوارڊ مليو. لياقت رضوي کي بھترين ڪھاڻيڪار طور ’ڪينجهر‘ رسالي پاران 1996ع ۾ ۽ سنڌ ترقي پسند ڪلچر ونگ پاران 1997ع ۾ ايوارڊ مليا. هي، هن وقت ايم ايڇ پنھور ريسرچ لائبرري، ڄامشوري ۾ انچارج طور ڪم ڪري رهيو آهي
لفظ لياقت رضويھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1963.05.01 عيسوي
شاعر ۽ ڪھاڻيڪار لياقت علي شاهه ولد موج علي شاهه رضوي پھرين مئي 1963ع تي نوشھري فيروز شھر ۾ جنم ورتو.
شاعر - ڀاڱي جون ٻِيون داخلائون
ٺٽوي نيازيسحر امداد حُسيني ڊاڪٽر
ٻڍل لاشاري
عاشق هالائي
حمايت علي شاعر
بھاؤالدين
راز شيخ عبدالرزاق
عبدالحميد شھيد
غلام صديق ابڙو فقير
صالح راڄپر وفا