ماڻڪ ڪنگراڻي
ماڻڪ ڪنگراڻي
ماڻڪ ڪنگراڻي: شاعر، ڪھاڻيڪار، ڊرامه نگار ۽ صحافي ماڻڪ ڪنگراڻي ولد سومر خان ڪنگراڻي 26 مارچ 1978ع تي ڳوٺ حاجي ماڻڪ خان ڪنگراڻي، تعلقي جوھي، ضلعي دادو ۾ جنم ورتو. سنڌ يونيورسٽي ڄامشوري مان ايم.اي ڪرڻ کانپوءِ ھن 1993ع ۾ ڪھاڻيون لکڻ شروع ڪيون. سندس پھرين ٻاراڻي ڪھاڻي روزاني ’عوامي آواز‘ ڪراچي ۾ ڇپي. سندس ٻيون ڪھاڻيون مختلف رسالن جھڙوڪ: ماھوار ”سنڌ سجاڳ“ ڪراچي، ”عبرت“ ميگزين حيدرآباد، ”سنڌ رنگ“حيدرآباد، ”ٽماھي مھراڻ“ سنڌ ادبي بورڊ ڄامشورو، ”نئون نياپو“ ڪراچي ۾ ڇپيل آھن. 1999ع ڌاري حيدرآباد مان صحافت جي شروعات ڪيائين. 2003ع کان ڊراما لکڻ شروع ڪيائين، جيڪي ريڊيو پاڪستان حيدرآباد ۽ ڪراچيءَ تان نشر ٿيا. سندس ڪيترا سنڌي ۽ اردو ڊراما پي.ٽي.وي ڪراچي، ڪي.ٽي.اين ۽ سنڌ ٽي وي سميت مختلف چينلن تي نشر ٿيا. سندس اردو ڊرامو ”بدلتا ھي رنگ“ ۽ سنڌي ڊراما ”ريشمي ڏور“، ”اڌورو خواب“ رڻ ۾ رات ٺري، کاٽ، مياڻ، وياج، کوٽو سڪو ۽ اکرڀور تمام گهڻا مقبول ٿيا. صحافي جي حيثيت سان ھن ڪاوش، سنڌو، تعمير سنڌ، واڪا ڪراچي، جيجل، عوامي آواز ۽ مختلف اردو اخبارن ۾ رپورٽر، سبب ايڊيٽر ۽ اسڪرپٽ ايڊيٽر طور ڪم ڪيو. کيس ٻه ڀيرا بھترين ڊرامه ليکڪ ايوارڊ 2008ع ۽ 2013ع ۾ ملي چڪا آھن. سندس ڇپيل ڪتابن ۾: ڀڳت ڪبير جي شاعري- فن ۽ فلسفو (2000ع)، ردي پنا (ڪھاڻيون، 2007ع) ستين آسمان جا فرشتا (ڪھاڻيون 2014ع) شامل آھن. 21 مارچ 2025ع تي وفات ڪئي.
لفظ ماڻڪ ڪنگراڻيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1978.03.26 عيسوي
شاعر، ڪھاڻيڪار، ڊرامه نگار ۽ صحافي ماڻڪ ڪنگراڻي ولد سومر خان ڪنگراڻي 26 مارچ 1978ع تي ڳوٺ حاجي ماڻڪ خان ڪنگراڻي، تعلقي جوھي، ضلعي دادو ۾ جنم ورتو.
شخصيتون - ڀاڱي جون ٻِيون داخلائون
سرائي محمد علي خاصخيليڪلياڻ آڏواڻي
رئيس امروهوي
ساڌنا شوداساڻي
دائود بن نصر
فريال ٽالپر
ٻيڙو مير بحر
بروهي علي احمد
اياز ڀاڳت
آزاد حنيف