مبارڪ عاطف لغاري

مُبارڪ ‘عاطف’ لغاري: مشھور سگهڙ شاعر مُبارڪ ‘عاطف’ لغاري ولد ٻُڍي خان لغاري جو جنم 7 مئي 1958ع تي ٽنڊي محمد خان جي ڳوٺ بجر خان لغاريءَ ۾ ٿيو .ابتدائي، ثانوي ۽ اعليٰ ثانوي تعليم پنھنجي ڳوٺ ۽ ٽنڊي محمد خان مان حاصل ڪرڻ کان پوءِ 1994ع ۾ سنڌ يونيورسٽيءَ مان ايم. اي جي ڊگري حاصل ڪئي. 1982ع کان شاعري جي شروعات ڪئي. غزل، چوسٽو، نظم، وائي، ڪافي، دوهو، سورٺو، مخمس ۽ مسدس جي صنفن تي طبع آزمائي ڪئي. شاعر، سُگهڙ ۽ لطيف جي پارکو جي حيثيت ۾، شاهه لطيف تي تحقيق ڪندڙ ڪيترائي محقق معلومات لاءِ وٽس ايندا رهيا. لطيفيات، تاريخ ۽ شاعري سندس پسنديده موضوع هئا. رفيق آس لغاري سندس ادبي استاد رهيو. جنھن کان هُن ادب جي مختلف صنفن جي سِکيا ورتي. 27 آڪٽوبر 2016ع/25 محرم الحرام 1438 هجري تي ٽنڊي محمد خان ۾ وفات ڪئي.

داخلا ۾ استعمال ٿيل تاريخون

1958.05.07  عيسوي

مشھور سگهڙ شاعر مُبارڪ ‘عاطف’ لغاري ولد ٻُڍي خان لغاري جو جنم 7 مئي 1958ع تي ٽنڊي محمد خان جي ڳوٺ بجر خان لغاريءَ ۾ ٿيو.

2016.10.27  عيسوي

مبارڪ عاطف لغاريءَ 27 آڪٽوبر 2016ع/25 محرم الحرام 1438 هجري تي ٽنڊي محمد خان ۾ وفات ڪئي.

سُگھڙ - ڀاڱي جون ٻِيون داخلائون