محمد اسلم ڀوتاڻي

محمد اسلم ڀوتاڻي: بلوچستان جي هاڻوڪي اسپيڪر محمد اسلم ڀوتاڻيءَ 2 آڪٽوبر 1960ع تي دريجي، ضلعي لسٻيلي ۾ جنم ورتو. سندس والد جو نالو سردار اميد علي ڀوتاڻي آهي. 1982ع ڌاري هن ڪراچي يونيورسٽيءَ مان گريجوئيشن ڪئي. هن باقاعدي سياست ۾ حصو وٺڻ لاءِ پاڪستان مسلم ليگ (ق) ۾ شموليت حاصل ڪئي ۽ 2002ع وارين عام چونڊن ۾ هو لسٻيلي جي تڪ پي. بي-45 تان ايم. پي. اي چونڊجي آيو. جڏهن ته 2008ع واري اليڪشن ۾ هن ٻيهر ڪاميابي ماڻي ۽ ’هم خيال گروپ‘ جو پارلياماني ليڊر چونڊيو ويو. هن وقت هو بلوچستان اسيمبليءَ جو اسپيڪر آهي. اسلم ڀوتاڻي ڪيترن ئي ملڪن جا ذاتي ۽ سرڪاري دورا پڻ ڪيا آهن، هو سنڌي، اردو ۽ بلوچي ۽ انگريزي ٻوليون ڳالهائي ٿو.

داخلا ۾ استعمال ٿيل تاريخون

1960.10.02  عيسوي

محمد اسلم ڀوتاڻيءَ 2 آڪٽوبر 1960ع تي دريجي ، ضلعي لسٻيلي ۾ جنم ورتو

شخصيتون - ڀاڱي جون ٻِيون داخلائون