مريد عباس
مريد عباس
مريد عباس: مشھور راڳي شھيد مريد عباس ڪٽپر 10 اپريل 1973ع تي شھر نئين ديري، ضلعي لاڙڪاڻي ۾ محمد عالم ’مداح‘ ڪٽپر جي گهر ۾ پيدا ٿيو. سندس والد به راڳي، شاعر ۽ اِسٽيج اَداڪار هو. مريد عباس ابتدائي، ثانوي ۽ اَعلى ثانوي تعليم نئين ديري ۽ رتيديري مان حاصل ڪئي. شاهه عبداللطيف يونيورسٽي خيرپور مان بي. اي ڪرڻ کانپوءِ ميونسپل ڪاميٽي، نئين ديري ۾ ڪلرڪ طور ڀرتي ٿيو. کيس موسيقيءَ جو شوق پنھنجي والد کي ڏسي ٿيو. شاگرديءَ واري زماني کان اسڪول جي غيرنصابي سرگرمين ۾ نعت توڙي قومي گيتن جي مقابلن ۾ حصو وٺندو رهيو. سندس صلاحيتون ڏسي کيس اسٽوڊنٽ اسڪائوٽ طور به چونڊيو ويو، جنھنڪري اسڪائوٽنگ جي منعقد ٿيندڙ پروگرامن ۾ به هن پنھنجو فن پيش ڪيو. راڳ جي سِکيا اُستاد عبدالغني اياز ڀٽي ۽ غلام شبير سمي وٽان حاصل ڪرڻ کانپوءِ هي ڪئسٽ جي دُنيا جو مقبول عوامي راڳي ٿيو. سندس پھريون آڊيو البم 1997ع ۾ جاري ٿيڻ کان وٺي 1999ع ۾ شھادت تائين ڪيترائي آڊيو البم رليز ٿيا. کيس ريڊيو پاڪستان لاڙڪاڻي تي پروڊيوسر ڪوثر ٻُرڙي متعارف ڪرايو، سندس آواز ۾ ڪيترائي ڪلام ريڊيو ۽ ٽي. وي تي نشر ٿيا. شھادت کانپوءِ به سنڌ جي ڪمپنين سندس آواز ۾ آڊيو البم جاري ڪيا. محرم جي ڏينھن دوران سندس آواز ۾ ڪيترائي نوحن جا اَلبم پڻ رليز ٿيا. 27 مارچ 1999ع تي نئين ديري شھر ۾ کيس گوليون هڻي قتل ڪيو ويو، سندس تدفين نئين ديري جي پير چوڍيل شاهه قبرستان ۾ ٿي.
لفظ مريد عباسھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1973.04.10 عيسوي
مشھور راڳي شھيد مريد عباس ڪٽپر 10 اپريل 1973ع تي شھر نئين ديري، ضلعي لاڙڪاڻي ۾ محمد عالم ’مداح‘ ڪٽپر جي گهر ۾ پيدا ٿيو.
1999.03.27 عيسوي
شھيد مريد عباس کي 27 مارچ 1999ع تي نئين ديري شھر ۾ کيس گوليون هڻي قتل ڪيو ويو، سندس تدفين نئين ديري جي پير چوڍيل شاهه قبرستان ۾ ٿي.
راڳي - ڀاڱي جون ٻِيون داخلائون
شبير سخيراڻيسجاد يوسف
ديبا سحر
خاصخيلي ذوالفقار علي
چاڪر چانڊيو
ڊگامبر وشنو پولاسڪر
عالم لوهار
پکراج ملڪه
مريد عباس
ڦوٽو زرداري