مولابخش ساغر: شاعر مولابخش ’ساغر‘ ولد شاهه محمد سانگي، پهرين جنوري 1924ع تي لاڙڪاڻي ضلعي جي ڳوٺ سڄڻ سانگيءَ ۾ ڄائو. هن ابتدائي تعليم ڳوٺ جي اسڪول مان حاصل ڪئي ۽ ان کانپوءِ لاڙڪاڻي جي مدرسه هاءِ اسڪول مان مئٽرڪ ڪئي. سي. ايس. ڪاليج شڪارپور مان 1944ع ۾ بي. اي ڪيائين، جنهن بعد ايل. ايل. بي جي ڊگري وٺي وڪالت شروع ڪيائين ۽ پوءِ بدين ضلعي ۾ سيشن جج مقرر ٿيو. شاعريءَ جو ذوق کيس ننڍپڻ کان ئي هو، شعر جي اصلاح ڊاڪٽر عطا محمد ’حامي‘ ۽ محمود ’خادم‘ کان ورتائين. ’ساغر‘ تخلص ڪتب آڻيندو هو. ڪجھه وقت ’سنڌ سڌار سوسائٽيءَ‘ جو سرگرم ڪارڪن به ٿي رهيو. مولابخش ’ساغر‘ جو پهريون شعري مجموعو ’دور ساغر‘ نالي سان 1974ع ۾ ۽ ٻيو نثري نظم جو ڪتاب ’ساز زندگي‘ 1978ع ۾ شايع ٿيو.
1924.01.01 عيسوي
شاعر مولابخش ’ساغر‘ ولد شاهه محمد سانگي، پهرين جنوري 1924ع تي لاڙڪاڻي ضلعي جي ڳوٺ سڄڻ سانگيءَ ۾ ڄائو.