ڊاڪٽر نظير احمد چارڻ

نظير احمد چارڻ ، ڊاڪٽر: مشھور هوميوپيٿڪ ڊاڪٽر، ليکڪ ۽ مترجم نظير احمد چارڻ، 2 جون 1947ع تي ڳوٺ پنھور ٻٽڙا، تعلقي جوهي، ضلعي دادو ۾ ڄائو. بي. اي تائين تعليم دادوءَ مان، ايم. اي سوشالاجي، سنڌ يونيورسٽيءَ مان 1970ع ڌاري ڪئي. ان کانپوءِ 1990ع ۾ هوميوپيٿيءَ ۾ چئن سالن جو ڪورس ڪيو، کيس 1992ع ۾ ’پاڪستان ڪائونسل آف هوميوپيٿيءَ‘ گولڊ ميڊل مليو. 1994ع ڌاري جرمنيءَ مان ’بيچلر آف هوميوپيٿڪ ميڊيسن‘ جي ڊگري حاصل ڪئي. هي پھريون سنڌي هو، جنھن جرمنيءَ مان هوميوپيٿڪ ميڊيسن ۾ گرئجوئيشن ڪئي. ان کانسواءِ عورتن ۾ ڇاتيءَ جي ڪينسر ۽ ٻين زنانين بيمارين ۾ اسپيشلائيزيشن پڻ ڪئي. هن هوميوپيٿيءَ بابت اخبارن ۾ تحقيقي ۽ معلوماتي مضمون لکي، ڊينگي بخار، لشميناسس، انٿراڪس بيمارين، پاڻيءَ ۾ سنکيي، نانگ جي زهر جي علاج ۽ ٻارن جي بيمارين ۽ علاج بابت سنڌ جي ماڻهن ۾ هوميوپيٿي علاج بابت شعور پکيڙيو. 1992ع کان 2000ع تائين روزاني ’جاڳو‘ اخبار ۾ ’جاڳو هوميوپيٿي ڪلينڪ‘ جي سري هيٺ هفتيوار معلوماتي مضمون لکيا، جن ۾ هن عام بيمارين کان علاوہ ٻين موذي مرضن جي علاج بابت آگاهي ڏني. سندس ڇپيل ڪتابن ۾: ”ٻارن جون عام بيماريون، هوميوپيٿي ۽ بايو ڪيمڪ علاج“ (2 جلد) ۽ ڊاڪٽر وليم بورڪ جي هوميوپيٿي دوائن جي ڪتاب ”مٽيريا ميڊيڪا“ جو سنڌيءَ ترجمو شامل آهن. ڊاڪٽر نظير 14 آڪٽوبر 2024ع تي وفات ڪئي.

داخلا ۾ استعمال ٿيل تاريخون

1947.06.02  عيسوي

مشھور هوميوپيٿڪ ڊاڪٽر، ليکڪ ۽ مترجم نظير احمد چارڻ، 2 جون 1947ع تي ڳوٺ پنھور ٻٽڙا، تعلقي جوهي، ضلعي دادو ۾ ڄائو.

شخصيتون - ڀاڱي جون ٻِيون داخلائون