ڀاڳيا، هري لال

هري لال ڀاڳيا : سماجي اڳواڻ ڊاڪٽر هري لال ڀاڳيا، 13 جنوري 1959ع تي پني عاقل ۾ جوتومل ڀاڳيا جي گهر جنم ورتو. 1987ع ۾ چانڊڪا ميڊيڪل ڪاليج مان ايم.بي.بي.ايس پاس ڪيائين. شاگرديءَ واري زماني ۾ کاٻي ڌر کان متاثر ٿي، ڊي.ايس.ايف ۾ شامل ٿيو. 1988ع ۾ ميڊيڪل آفيسر ٿيو ۽ 1992ع ۾ استعيفا ڏيئي ذاتي ڪلينڪ کولي پرئڪٽس ڪندو رهيو. هي مقامي هندو جاتيءَ جي مسئلن تي آواز اٿاريندو رهيو آهي. 1995ع ۾ ’سنت آسورام ويلفيئر سوسائٽيءَ‘ جو بنياد وڌائين، جنهن تحت شھر ۾ جديد تقاضائن موجب اسپتال ’سخي بابا ميٽرنٽي هوم‘ هلي رهيو آهي. سگا، هندو پنچائت ۽ مهراڻ ايجوڪيشنل سوسائٽيءَ جو ميمبر ۽ عهديدار رهيو آهي. پيپلز پارٽيءَ سميت ٻين قومي سطح جي سياسي اڳواڻن سان واسطا رکي ٿو.

داخلا ۾ استعمال ٿيل تاريخون

1959.01.13  عيسوي

سماجي اڳواڻ ڊاڪٽر هري لال ڀاڳيا، 13 جنوري 1959ع تي پني عاقل ۾ جوتومل ڀاڳيا جي گهر جنم ورتو.

شخصيتون - ڀاڱي جون ٻِيون داخلائون