ٻائيتال: اناج وغيره جي تور جو ھڪ اصطلاح، جنھن ۾ واپاري ٻول به ڪندا ته تور ’ايڪيتال‘ ٿيندي يا ’ٻائيتال‘ اھي فقرا ڪاٻاڙي ۾ ڄاڻايل ھوندا آھن، پوءِ جي ’ايڪتال‘ تور ٿي ته صحيح آھي، پر جي ڪاٻاڙي ۾ لکيل ’ايڪيتال‘ تور آھي ۽ واپاري (واڻيو، دلال، خريدار) ضد ٻڌي بيٺو ته ”ان ڪسو آھي، يا ڦٽيون ماڪ ڀنل آھن، ’ايڪيتال‘ تور ۾ ڪس آھي، ته پوءِ تور ’ٻائيتال‘ ۾ ٿيندي“. جيڪڏھن واپار ۾ ڦڏو ٿي پيو. ڏيندڙ انڪاري ۽ وٺندڙ ضد تي رھيو ته انھيءَ ريڙهه پيڙهه واري سموري معاملي کي ’ٻائيتال ٻارڻ‘ يا ’ٻائيتال‘ وارو معاملو مچائڻ چئبو. عام اصطلاح ۾ کٽ، پٽ، گھپي، ڌانڌل کي به ٻائيتال چوندا آھن .