ٻُڍو فقير: ٻڍو فقير سنڌ جو مشھور راڳي، ريڊئي ۽ ٽي وي جو فنڪار ٿي گذريو آهي. ٻڍو فقير ولد محمد صديق ذات مڱڻهار، مٺي شھر ۾ 1942ع ڌاري ڄائو. ڳائڻ جي شروعات 15 سالن جي عمر ۾ ڪيائين. هن ڳائڻ جي سکيا استاد مراد فقير کان ورتي. مراد فقير کي 1967ع ۾ ڀالوا ۾ لڳل مارئيءَ جي ميلي ۾ ڳائڻ کان پوءِ ريڊيي تي پروگرام مليو. سندس ڪيترائي رڪارڊ موجود آهن. کيس ڪراچي ٽي ويءَ تي 1995ع ۾ پروگرام مليو، ڪيترائي پروگرام ڪيائين. ٻڍي فقير شاھہ لطيف، سچل سرمست، مرتضيٰ ڏاڏاهيءَ، عباس علي شاھہ ۽ حاجي احمد ملاح کي ڳايو آهي. کيس ٻہ اوارڊ پڻ ملي چڪا آهن. ٻُڍي فقير 3 جون 2005ع تي وفات ڪئي .
1942.00.00 عيسوي
ٻڍو فقير مٺي شهر ۾ 1942ع ڌاري ڄائو.
2005.06.03 عيسوي
ٻڍي فقير 3 جون 2005ع تي وفات ڪئي.