ٽينس
ٽينس
ٽينس: بال ۽ رئڪيٽ سان کيڏڻ واري هڪ قسم جي راند. هن جو آغاز فرانس ۾ ٿيو. انگلستان ۾ چوڏهينءَ صديءَ جي لڳ ڀڳ پهتي، هيءَ راند گاهه واري لَسيل يا تراشيل ميدان، يا وري پوريءَ ريت لَسي ميدان ۾ کيڏي ويندي آهي، جن ٻنهي قسمن جي ميدانن کي ”ڪورٽ“ (Court) سڏين ٿا. ٽينس ڪورٽ ۾ باقاعدي لائنون رکيون وينديون آهن. بال رٻڙ جو ۽ اندران کوکلو هوندو آهي. اُن جو قطر 5، 2 انچ ۽ وزن ٻه آؤنس هوندو آهي. ٽينس راند جي بال کي سنڌيءَ ۾ ”ست کلو بال“ چوندا آهن. هيءَ راند ٻن رانديگرن جي وچ ۾ (سنگلز) ۽ رانديگرن جي ٻن جوڙن جي وچ ۾ (ڊبلز) کيڏي ويندي آهي. جيڪڏهن سنگلز راند هجي ته ٻاهرين ٻن لائينن کي خارج ڪيو ويندو آهي ۽ اندروني لائنن سان ميدان جي حد بندي ڪئي ويندي آهي. اهو فيصلو ڪيئن ٿئي ته پهرين سروس ڪير ڪري ۽ ڪهڙو رانديگر ميدان جي ڪهڙي هنڌ بيهي ان لاءِ رئڪيٽ کي ڦيرايو ويندو آهي. هن راند ۾ ڄار جي بلندي سري کان 3 فوٽ 7 انچ ۽ وچ ۾ 3 فوٽ هوندي آهي. ٻه دفعا سروس ڪئي ويندي آهي. هڪ دفعو بال کي رئڪيٽ سان ڌڪ هڻي ڄار جي مدمقابل ساڄي مستطيل ۾ وجهڻ جي ڪوشش ڪبي آهي. جيڪڏهن بال اتي نه پهچي سگهي ته وري سروس ٿيندي آهي؛ ٻيهر به نه پهچي سگهي ته سروس ڪندڙ هڪ پوائنٽ هارائي ويندو آهي. نمبرن جي ڳڻپ هن طريقي سان ڪئي ويندي آهي ته پهرينءَ پوائنٽ جي حيثيت 15 ڳڻي ويندي آهي. ٻي پوائنٽ جي 20 ٽين ٽن پوائنٽ جي 40 ۽ چوٿين پوائنٽ کٽي راند ختم ڪئي ويندي آهي.
لفظ ٽينسھيٺين داخلائن ۾ پڻ استعمال ٿيل آھي
راند - ڀاڱي جون ٻِيون داخلائون
ستولياڊوڙ پڄائڻ
ٿلهه بٿلهي
ٽلي راند
تاس
سيڙهه کينهوڙي راند
ڀَونر ڪَلي
اٽي ڏڪر
باڪسنگ
تڪل