ٽيپو سلطان
ٽيپو سلطان
ٽيپو سلطان: ٽيپو سلطان ميسور رياست جو حڪمران ٿي گذريو آهي . هو پنھنجي والد نواب حيدر عليءَ جي وفات کان پوءِ 1783ع ۾ ميسور جو حاڪم ٿيو . سندس اصل نالو فتح علي هو . هو شرع جو پابند هو ۽ حڪومت ۾ عام توڙي خاص ماڻهن تي شرع جي قانون جي سھپ آهر پابندي رکيائين . سندس دور ۾ مسلمان توڙي هندو رعيت خوشحال هئي . هن ڪيترائي سڌارا آندا . سندس حڪم تي فوج جو ماهيانو پگهار مقرر ٿيو .
ٽيپو سلطان هندستان جو پهريون بادشاھہ هو ، جنهن بحري ٻيڙي کي فروغ ڏنو ۽ جھاز سازيءَ جا ڪارخانا قائم ڪيا . ٽيپو سلطان خود عالم فاضل شخص هو . هو عربي ، فارسي ، انگريزي ۽ تامل ٻولين تي عبور رکندو هو . ٽيپو سلطان سپاھہ گيريءَ جي فن ۾ بہ ماهر هو . سندس ئي ڌيان ڏيڻ ڪري ملڪي زراعت ۾ ترقيءَ جو دور آيو . ناريل ، چانور ، صندل ، سوپاريون ، پان ، پڪو ساڳ ، ڪمند ، ريشم وغيرہ جي برآمد کي ترقي ملي . هن جي سڄي عمر انگريزن سان وڙهندي گذري . دستور موجب انگريزن غدارن کي لالچون ڏئي ٽيپوءَ جا ڪيترا ساٿي کانئس جدا ڪرائي ڇڏيا . انهن غدارن ۾ مير صادق ، مير غلام نبي ۽ قمرالدين نمايان هئا . انگريزن ٽيپو سلطان تي ٽن طرفن کان حملو ڪيو . هن بہ وڏيءَ بهادريءَ سان مقابلو ڪيو . سخت زخمي ٿيڻ جي حالت ۾ قلعي اندر وڃڻ جي ڪوشش ڪيائين ، پر دشمنن دروازو بند ڪري ڇڏيو . ٽيپو سلطان انگريزن وٽ پيش پوڻ بدران چيو تہ ” شير جي هڪ ڏينهن جي زندگي ، گدڙ جي سؤ سالن جي زندگيءَ کان بهتر آهي “ . ٽيپو سلطان 1799ع ۾ شھيد ڪيو ويو .
لفظ ٽيپو سلطانھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1799.00.00 عيسوي
ٽيپو سلطان کي 1799ع ۾ شهيد ڪيو ويو
شخصيتون - ڀاڱي جون ٻِيون داخلائون
غلام حسين شيدا مخدومپرويز احمد کوکر
حيدر هروي
جان محمد عباسي فدا
ڀوڄراج ڪرمچند ڇاٻڙيا
اي بي آڏواڻي
علياڻي قائم خان
عباسي منور علي حاجي
شعيب منصور
سَنت شڌارام