پارجاتڪ (ڪتاب ):اورنگزيب عالمگير لاءِ چيو وڃي ٿو ته: هن راڳ تي بندش وڌي هئي ۽ بادشاهي درٻار مان راڳ کي نيڪالي ڏني هئي، پر پوءِ به سندس دور ۾ موسيقيءَ جي فن تي ڪجهه ڪتاب لکيا ويا، جن مان هڪ ڪتاب مرزا روشن ضمير لکيو، جيڪو موسيقيءَ جو مڃيل استاد هو، هن عربي، فارسي ۽ هنديءَ ۾ ڪجهه ڪتاب هن فن تي لکيا، پر اهي هاڻي دستياب نه آهن. ”پار جاتڪ“ اصل ۾ سنسڪرت زبان ۾ لکيل موسيقيءَ جي ڪتاب جو ترجمو آهي. هن ۾ ٽي باب آهن، پهريون گيت ڪانڊ، جنهن ۾ ڳائڻ جا اصول ڏنل آهن. ٻيو اواديه ڪانڊ، جنهن ۾ سازن تي بحث ڪيو ويو آهي. ٽيون نرتيه ڪانڊ، جنهن ۾ رقص تي بحث ڪيل آهي. هي ڪتاب فارسي زبان ۾ ترجمو ٿي چڪو آهي.