پاٽولڪو ڪم
پاٽولِڪو ڪم
پاٽولِڪو ڪم: پٽ ريشم جي ڪم کي ’پاٽولڪو ڪم‘ چوندا آهن، جيڪو هندو توڙي مسلمان پاٽولي‘ (ڏسو: پاٽولي) ڪندا اچن ٿا. پاٽولي عورتن لاءِ سڳيون، اڳٺ، هار ۽ ڳانا ٺاهيندا آهن ۽ جڳهين ۾ آرائش ۽ زيبائش جو بندوبست بہ ڪري ڏيندا آهن. هنن جا ٺاهيل هار سڄي سنڌ ۾ مشھور رهيا آهن. خيرپور جي پاٽولين مان ديوان ڀڳوانداس مشھور هوندو هو. روهڙيءَ شھر ۾ اهو ڪم ڪيترا پاٽولي (مسلمان) اڄ بہ ڪن ٿا. روهڙيءَ ۾ پاٽولي پاڙو بہ مشھور آهي.