پرتاب هرگنداس ڌنواڻي، ’جادوگر نماڻو‘: ناميارو جادوگر ۽ آل انڊيا مئجڪ سرڪل جئپور جو صدر، پرتاب ڌنواڻي عرف جادوگر نماڻو، پهرين آگسٽ 1937ع تي لاڙڪاڻي ۾ ڄائو. مئٽرڪ تائين تعليم پرايائين، بعد ۾ جادوءَ جي فن کي اختيار ڪيائين. سنڌ جي سمورن وڏن شهرن ۾ جادوءَ جا پروگرام پيش ڪيائين. گجرات مئجيشن ائسوسيئيشن، بڙودا جو سيڪريٽري به رهيو. ان کان سواءِ اُڌيپور مان نڪرندڙ ’ڪلاشرنکلا‘ جي فني صفحي جو ايڊيٽر به رهيو.