پرمار باز

پرمار باز(Bonelli’s Eagle / Hieraaetus fasciatus) : هن جنس جي نر ۽ مادي باز جو رنگ هڪجهڙو ٿئي ٿو، پر مادي قدبت ۾ ڪجهه وڏي ٿئي ٿي. ان جي پٺي چمڪدار ناسي هوندي آهي. ان کي اندرئين پاسي پيٽ تي ناسي ڪارا لينگها ٿين ٿا. ان جي ڊگهي ۽ ويڪري پڇ تي هلڪي ۽ گهري رنگ جون ڌاريون يا پٽيون ٿين ٿيـون. هن پکيءَ کي ڪي ماڻهـو
’شڪاري باز‘ به چوندا آهن. هن جو مٿي کان جسم اڇو هوندو آهي ۽ پرن هيٺيان ڪارسرو ناسي پٽو ھوندو آهي ۽ ڳچي سڄي اڇي هوندي آهي، جنهن تي ڪارڙا لينگها ٿيندا آهن. پرن جا ڪنارا ۽ پويان پر ڪارا اٿس. هن باز جي پڇ جي چوٽيءَ کان مٿي تائين هلڪا ۽ گهرا پٽا ٿين ٿا. هن جي ٻچٽ جي جسم جو مٿيون حصو ۽ اندريان پَـر ڳاڙهسرا هيڊا ھوندا آھن، جنهن جي پَـرن جي ٻاهرئين پوئين اڇي ڀاڱي تي ڪارا پٽا ھوندا آھن، پڇ سرمائي هوندو اٿس، جنهن تي پٽا ڪونه ٿين.

پکي - ڀاڱي جون ٻِيون داخلائون