پرويز احمد کوکر: پرويز احمد ولد محمد شريف کوکر 17 جولاءِ 1962ع تي جيڪب آباد ۾ ڄائو. جيڪب آباد مان ابتدائي ۽ ثانوي تعليم حاصـل ڪـرڻ کان پـوءِ 1988ع ۾ ايڪنامڪس ۾ ايم. اي ۽ 1998ع ۾ بي. ايـڊ ڪيائين. 1984ع ۾ انٽر ڊرائنگ جو امتحان پاس ڪري استاد مقرر ٿيو. آزاد خان لاشاري سندس استاد هو. 1993ع ۾ پينٽنگ جو دڪان کوليائين. هو پنھنجي استاد ’آزاد‘ جي عقيدت ۾ پاڻ کي ”اي. پرويز“ لکندو رهندو آهي. پرويز کوکر، پينسل ورڪ، آئل ورڪ، پوائنٽ ورڪ ۽ واٽر ورڪ پينٽنگ جو ماهر آهي، شاعر بہ آهي، شاعريءَ ۾ سندس استاد محمد قاسم ”مخمور“ مڱريو هو. سنـڌ جي نامياري شاعر عبدالڪريم ’گـدائيءَ’ جي بھترين تصوير ٺاهڻ تي کيس نقد انعام ۽ اوارڊ مليل آهي. هو ڳـائـڻ وڄـائـڻ سـان بـه شـوق رکي ٿو. مـوسيـقيءَ ۾ خـالـد حسيـن سـومـرو سندس استاد آهي.
1962.07.17 عيسوي
پرويز احمد ولد محمد شريف کوکر 17 جولاءِ 1962ع تي جيڪب آباد ۾ ڄائو.