پرڀداس ويرواڻي: پرڀداس ويرواڻي مشهور قومي ڪارڪن ۽ تعليمدان ٿي گذريو آهي. هن 3 اپريل 1900ع تي هالاڻيءَ ۾ جنم ورتو. هو ڪنڊياري ۾ رهندو هو ۽ اُتي هاءِ اسڪول ۾ اُستاد هو. قومي خيالن جو هو ۽ قومي هلچلن ۾ خاموش ڪارڪن طور حصو وٺندو هو. ورهاڱي کان پوءِ اجمير ۾ اچي رهيو ۽ مهاتما گانڌي ودياليله ۾ ماستري ڪيائين. رٽائرمينٽ کان پوءِ به تعليمي ۽ سماجي ڳالهين ۾ سندس چاهه قائم رهيو. ڪجهه وقت لاءِ سڌار سڀا جي ”بُڪ بئنڪ“ جو سيڪريٽري ۽ ڪستور ٻاناري پاٺشالا اسڪول جو مئنيجر رهيو.
1900.04.03 عيسوي
پرڀداس ويرواڻي 3 اپريل 1900ع تي هالاڻيءَ ۾ جنم ورتو.