پير، شاھہ مراد: پير شاھہ مراد جو اصل نالو سيد محمد حسين شيرازي هو. هن 831ھہ/ 1427ع ڌاري جنم ورتو. هن جي ڄمڻ وقت سنڌ جو حڪمران ڄام سڪندر سمون هو. هن لاءِ روايتون آهن تہ ڄمڻ بعد هن اکيون نٿي کوليون، نيٺ شيخ عيسيٰ جي اچڻ بعد اکيون کُليس. اڳتي هلي هن شيخ صدرالدين ۽ شيخ عيسيٰ جي صحبت ۾ وقت گذاريو. هن جي هوندي سيد علي ثاني ڄائو ۽ هن کيس وڏي ڄمار جي دعا ڪئي هئس. هن ڪيترائي چِلا ڪٽيا ۽ رياضتون ڪيون ۽ معرف کان ٿيندي حقيقت جي منزل کي رسيو. هيءُ 62 سالن جي ڄمار ۾ 883 ھہ مطابق 1478ع ۾ وفات ڪري ويو. هن نيڪ بخت جي جنازي جي نماز تڏهوڪي سنڌ جي حڪمران ڄام نندي پڙهائي. هيءُ شيرازين جي قبرستان مڪليءَ ۾ دفن ٿيل آهي.
1427.00.00 عيسوي
پير شاهه مراد 831هه/ 1427ع ڌاري جنم ورتو
1478.00.00 عيسوي
پير شاهه مراد 62 سالن جي ڄمار ۾ 883 هه مطابق 1478ع ۾ وفات ڪري ويو