پير محمد ’پيرل‘ ميمڻ: پير محمد عرف پير بخش عام طرح ’پيرل فقير‘ جي نالي سان مشھور هو. سندس والد جو نالو محمد سلطان ميمڻ هو. پيرل فقيـر 1870ع ۾ ڳـوٺ ويجي، تعلقي خيرپور ناٿن شاھہ ۾ جنم ورتو. هو پنھنجي وقت جو سٺو شاعر ۽ سگهڙ هو. سنڌي پرائمري تعليم سان گڏ قاضي محمد عالم قريشيءَ جي صحبت ۾ رهي عربيءَ ۽ فارسيءَ کان بہ واقف ٿيو. پيرل فقير جو ڪلام اثر انگيز ۽ دل آويز آهي. جنهن ۾ سادگي، نفاست ۽ رواني آهي، جنهن ۾ هن معاشرتي براين ۽ بڇڙاين تي ناقدانه نظر وڌي آهي. سندس ڪلام اخلاقي ۽ اصلاحي آهي. سندس ڪافيون، ڪلام، غزل، گيت، سهرا ۽ ٽيھہ اکريون رسالن، ڪتابن ۽ اخبارن ۾ ڇپجنديون رهيون. سندس شاعريءَ جو هڪ ڪتاب ’من اندر جي لوچ‘ سندس وفات کان پوءِ ڇپيو. پيرل فقير 1937ع ۾ وفات ڪئي.
18870.00.00 عيسوي
پير محمد 1870ع ۾ خيرپور ناٿن شاهه ۾ جنم ورتو
1937.00.00 عيسوي
پير محمد 1937ع ۾ وفات ڪئي