ميجر عزيز ڀٽي شهيد

ڀٽي، عزيز، ميجر شھيد: 1965ع واري پاڪ-ڀارت جنگ جو سرخرو شهيد، عزيز ولد عبدالله ڀٽي، 1928ع ڌاري هانگ ڪانگ (چين) ۾ پيدا ٿيو. ورهاڱي کان اڳ سندس وڏا پنجاب جي گجرات ضلعي ۾ لڏي آيا. هن مئٽرڪ تائين تعليم هانگ ڪانگ ۾ حاصل ڪئي. عزيز ڀٽي، ڪيترين ئي زبانن تي عبور رکندو هو. جنهن ۾ مادري زبان کان سواءِ اردو، انگريزي، چيني ۽ جرمن زبانون شامل هيون. 1950ع ۾ آرميءَ ۾ ڪميشن ڪيائين ۽ پاسنگ آئوٽ دوران نارمن گولڊ ميڊل ۽ سورڊ آف آنرز ٻئي اعزاز حاصل ڪيائين. پاڪ فوج پاران انگلينڊ ۽ جرمنيءَ ۾ ڪيترائي ڪورس ڪيائين، سيپٽمبر 1965ع جي پاڪ- ڀارت جنگ دوران ميجر طور لاهور جي برڪي محاذ تي مقرر هو. 6 سيپٽمبر 1965ع تي جڏهن ڀارتي فوج حملو ڪيو تہ ميجر عزيز، برڪي سيڪٽر جي اڳين مورچن ۾ بهادريءَ سان مخالف فوج جو مقابلو ڪندو رهيو ۽ 12 سيپٽمبر تي بي آر بي واھہ جي ڪناري وطن لاءِ وڙهندي جان ڏنائين. کيس شهادت کان پوءِ ”نشان حيدر“ جو اعليٰ فوجي اعزاز ڏنو ويو.

داخلا ۾ استعمال ٿيل تاريخون

1928.00.00  عيسوي

ميجر عزيز ڀٽي 1928ع ڌاري هانگ ڪانگ ( چين ) ۾ پيدا ٿيو

1965.09.12  عيسوي

ميجر عزيز ڀٽي 12 سيپٽمبر 1965 ع تي شهيد ٿيو

شخصيتون - ڀاڱي جون ٻِيون داخلائون