ڄام تماچي انڙ
ڄام تماچي انڙ
ڄام تماچي انڙ: پ. پ اڳواڻ سردار ڄام تماچي اُنڙ، مشھور سماجي ۽ سياسي اڳواڻ، سماٽ قبيلي جي سردار فقير رئيس رسول بخش اُنڙ جو فرزند آهي. سندس جنم موجودہ دولتپور تعلقي، ضلعي نوابشاھہ (موجودہ بينظيرآباد) ۾ 16 آگسٽ 1954ع تي ٿيو. هن بي. اي تائين تعليم نوابشاھہ مان حاصل ڪئي. سندس والد پهرين مارچ 1970ع تي، پنھنجي حياتيءَ ۾ ئي کيس سرداريءَ جي پڳ ٻڌائي، اُن موقعي تي هڪ تاريخي اجتماع ٿيو هو.
سردار ڄام تماچيءَ سياست جي شروعات 1982ع کان ڪئي ۽ پاڪستان جو ننڍي ۾ ننڍو مجلس شوريٰ جو ميمبر منتخب ٿيو. 1984ع ۾ اقوام متحدہ ۾ پاڪستان جي نمائندگي ڪيائين ۽ اقوام متحدہ جي جنرل اسيمبليءَ کي خطاب ڪندڙن ۾ سڀ کان ننڍيءَ عمر وارو مقرر هو.
سردار تماچي انڙ'>ڄام تماچي انڙ 1985ع ۾، محمد خان جوڻيجي (وزيراعظم) جي دور ۾ سنڌ مان سينيٽ جو ميمبر چونڊيو، ۽ ان وقت پاڪستان جي تاريخ جو ننڍيءَ عمر وارو پهريون سينيٽر هو. 1988ع ۾ پاڪستان پيپلز پارٽيءَ جي ٽڪيٽ تي ايم. پي. اي چونڊيو. 1996ع ۾ ٻيو ڀيرو اقوام متحدہ جي جنرل اسيمبليءَ ۾ شرڪت ڪيائين. 2002ع جي چونڊن ۾ ايم. پي. اي چونڊيو. اهڙيءَ طرح 2008ع جي چونڊن ۾ پي. ايس. 28، نوابشاھہ-5 تان پيپلز پارٽيءَ جي ٽڪيٽ تي صوبائي اسيمبليءَ جو ميمبر ٿيو. اسيمبليءَ ۾ سنڌ جي مسئلن تي ڳالهائڻ وارن ميمبرن ۾ سندس شمار ٿئي ٿو. گذريل ڪجهہ سالن کان سنڌ اسيمبليءَ جي پبلڪ اڪائونٽس ڪميٽيءَ (PAC) جو چيئرمئن آهي.
سردار ڄام تماچي گذريل 30 سالن کان پنھنجي علائقي ۾ مفت اکين جي ڪئمپن لڳائڻ، غريب بيمارن جي علاج ڪرائڻ، يتيمن ۽ نادارن جي مدد ڪرڻ ۽ علائقي ۾ ترقياتي ڪم ڪرائڻ جي سلسلي ۾ اڳڀرو رهيو آهي.
لفظ ڄام تماچي انڙھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1954.08.16 عيسوي
ڄام تماچي انڙ جو جنم موجوده دولتپور تعلقي، ضلعي نوابشاهه (موجوده بينظيرآباد) ۾ 16 آگسٽ 1954ع تي ٿيو
شخصيتون - ڀاڱي جون ٻِيون داخلائون
ديو سڀاڻيجاگيراڻي غلام مرتضيٰ خان
سنت سُروپداس
اسحاق جمالي ڊاڪٽر
امين کوسو
ڀواني شنڪر
البرٽ ڪامئو
تسليما نسرين
جگجيت سنگهہ
ڊنشا دستور