ڄيٺـاننـد ڀاونداس لعلواڻي

ڄيٺـاننـد ڀاونداس لعلواڻي: ليکـڪ ڄيٺانند ڀاونداس لعلـواڻـي، 25 مارچ 1916ع تي حيدرآباد سنڌ ۾ ڄائو. هن اڌ صديءَ کان مٿي سنڌي ادب جي خدمت ڪئي آهي. هن ڪهاڻيون، ناول ۽ مضمون جي ميدان ۾ قلم آرائي ڪئي آهي. ان سان گڏ ٻارن لاءِ ڪتاب، سوانحي ادب ۽ ترجما به ڪيا آهن. طبعزاد شايع ٿيل آهن: (1) بابو راجيـنـدرنـاٿ (جيوني: 1936ع)، (2) جئه پرڪاش نارائڻ (جيوني: 1940ع)، (3) ميونسپل ڪائونسلر (1940ع) ۽ (4) مهاراڻي چندراوتي. جن مان پهريون، ٻيو ۽ چوٿون سوانحي ناول آهن.
سڀاش چندر بوس بابت 1942ع ۾ ڪتاب لکيو. سندس خاص ڪم ’گرو گرنٿ صاحب‘ جو سنڌيءَ ۾ ترجمو آهي. ورهاڱي کان اڳ هن ’ڦولستان‘، ’دل بهار‘ ۽ ’گل ڦل‘ ٻارن جا رسالا شايع ڪيا. برصغير جي آزاديءَ جي هلچل دوران برطانيا سرڪار خلاف هڪ ڪتاب لکڻ ڪري جيل به ويو. سندس هي ڪتاب 1941ع ۾ ضبط ٿيو. ورهاڱي کان پوءِ هندستان لڏي ويو ۽ 1981ع ڌاري بمبئيءَ ۾ وفات ڪري ويو.

داخلا ۾ استعمال ٿيل تاريخون

1916.03.25  عيسوي

هن اڌ صديءَ کان مٿي سنڌي ادب جي خدمت ڪئي آهي. هن ڪهاڻيون، ناول ۽ مضمون جي ميدان ۾ قلم آرائي ڪئي آهي. ان سان گڏ ٻارن لاءِ ڪتاب، سوانحي ادب ۽ ترجما به ڪيا آهن. طبعزاد شايع ٿيل آهن: (1) بابو راجيـنـدرنـاٿ (جيوني: 1936ع)، (2) جئه پرڪاش نارائڻ (جيوني: 1940ع)، (3) ميونسپل ڪائونسلر (1940ع) ۽ (4) مهاراڻي چندراوتي. جن مان پهريون، ٻيو ۽ چوٿون سوانحي ناول آهن.

اديب - ڀاڱي جون ٻِيون داخلائون