چانڊيو عبدالله خان ’همدم‘

چانڊيو، عبدالله خان ’همدم‘: شاعر عبدالله خان ’همدم‘ ولد محمد يوسف چانڊيي، 8 مئي 1914ع تي ميهڙ شهر، ضلعي دادوءَ ۾ جنم ورتو. سندس وڏا اصل غيبي ديري جا رهاڪو هئا. ابتدائي تعليم ۽ مئٽرڪ ميهڙ مان ڪيائين. ان کانپوءِ بمبئي يونيورسٽيءَ پڙهڻ ويو، جتان 1934ع ڌاري واپس وريو. 1942ع ڌاري سب رجسٽرار مقرر ٿيو. گهڻو عرصو تعلقي رتيديري ۾ ملازمت ڪيائين. کيس شاگرديءَ واري دؤر کان شاعريءَ جو شوق هو. نوڪري ملڻ کانپوءِ شاعريءَ جو آغاز ڪيائين. شاعريءَ جي سڀني صنفن تي طبع آزمائي ڪيائين. شاعريءَ ۾ ’همدم‘ تخلص ڪتب آڻيندو هو. سندن شاعريءَ جو مجموعو ’ارمغان همدم‘ ڇپيل آهي. هو ’بزم اڪبر‘ ميهڙ جو صدر به رهيو. هن ستين سيپٽمبر 1988ع ۾ وفات ڪئي.


هن صفحي کي شيئر ڪريو

داخلا ۾ استعمال ٿيل تاريخون

1914.05.08  عيسوي

شاعر عبدالله خان ’همدم‘ ولد محمد يوسف چانڊيي، 8 مئي 1914ع تي ميهڙ شهر، ضلعي دادوءَ ۾ جنم ورتو.


1988.09.07  عيسوي

عبدالله خان ’همدم‘ستين سيپٽمبر 1988ع ۾ وفات ڪئي.



شاعر - ڀاڱي جون ٻِيون داخلائون

خادم حسين ابڙو
الهه رکيو سانگي
عـزيـزالله مجروح
استاد بخاري
شتروگن جسواڻي
ايوب فقير آريسر
شاڪر شجاع آبادي
سيد فاضل شاهه فاضل
سانوڻ فقير
پلي محمد امين خليفو
شاعر ڀاڱي جا وڌيڪ مضمون