چاڪي، محمد عثمان: حاجي محمد عثمان ولد حاجي محمد سهتل چاڪي، سنڌ جو وڏو عالم ۽ بزرگ ٿي گذريو آهي. هن 18 صفر 1292ع مطابق 8 فيبروري 1875ع تي جنم ورتو. هن ابتدائي تعليم پنهنجي ڏاڏي حاجي احمد کان ورتي، پوءِ سنڌ جي مختلف مدرسن ۾ پڙهيو. مدرسه صديقه شهداد ڪوٽ مان، علامه غلام صديق ميمڻ وٽان عربي ۽ فارسيءَ جي تعليم مڪمل ڪري، دستار فضيلت ٻڌائين. لنواري شريف جي بزرگن وٽان خلافت جو خرقو ڍڪيائين. حاجي صاحب سنڌي، عربي ۽ فارسي، زبانن جو وڏو عالم هو. سچل سائينءَ جو پانڌيئڙو هو. هن سچل سرمسترح جي عقيدت ۾ ڪيترو ڪلام چيو آهي. سندس ڪلام ۾: ٽيهه اکريون، مداحون، مناجاتون، مولود، مناقبا ۽ ڪافيون وغيره ملن ٿيون. هيءُ 12 شوال 1313هه مطابق 3 جولاءِ 1918ع تي لاڙڪاڻي ۾ وفات ڪري ويو. سندس مزار لاڙڪاڻي ۾ لوهرن جي مسجد جي ويجهو آهي.
1875.02.08 عيسوي
حاجي محمد عثمان ولد حاجي محمد سهتل چاڪي، سنڌ جو وڏو عالم ۽ بزرگ ٿي گذريو آهي. هن 18 صفر 1292ع مطابق 8 فيبروري 1875ع تي جنم ورتو
1918.07.03 عيسوي
هيءُ 12 شوال 1313هه مطابق 3 جولاءِ 1918ع تي لاڙڪاڻي ۾ وفات ڪري ويو.