جمالي، ڪامريڊ علي محمد

ڪامريڊ علي محمد جمالي : ڪامريڊ علي محمد ولد نبي بخش جمالي، 25 جنوري 1958ع تي ڳوٺ گنھور خان جمالي. تعلقي جوهيءَ ۾ پيدا ٿيو. ابتدائي تعليم گورنمينٽ پرائمري اسڪول ڦلجي وليج مان، مئٽرڪ هاءِ اسڪول ڪڪڙ مان، انٽر گورنيمنٽ ڊگري ڪاليج دادوءَ مان ۽ ايم. اي سنڌ يونيورسٽي ڄامشوري مان پوليٽيڪل سائنس جي مضمون ۾ ڪيائين. ڪامريڊ علي محمد جماليءَ سياست جي شروعات 1978ع ۾ جيئي سنڌ هلچل جي پليٽ فارم تان ڪئي. 1979ع ۾ شهيد ڀٽي جي شهادت بعد پاڪستان پيپلز پارٽيءَ ۾ شموليت اختيار ڪيائين، 1981ع ۾ سپاف ضلعي دادوءَ جو صدر به رهيو. 1983ع ۾ ايم. آر. ڊي تحريڪ دوران گرفتار ٿيو ۽ کيس سينٽرل جيل حيدرآباد موڪليو ويو، جتي هڪ سال قيد ۾ رهيو. 1986ع ۾ کيس ٻيهر گرفتار ڪري سينٽرل جيل موڪليو ويو. ڄام صادق عليءَ جي وڏ وزارت واري دور ۾ به کيس گرفتار ڪري جيل موڪليو ويو. جڏهن محترمه بينظير ڀٽو وزيراعظم جي حيثيت ۾ سعودي عرب وئي ته سندس وفد ۾ هي به شامل هو. ڪامريڊ علي محمد جمالي سماجي ڪمن ۾ به سرگرم رهيو آهي، سنڌ جي مسئلن تي ٿيندڙ جدوجهد ۾ اڳرو ڏٺو ويو آهي. هن وقت سندس سياسي وفاداريون پيپلز پارٽي (شهيد ڀٽو) سان آهن.

داخلا ۾ استعمال ٿيل تاريخون

1958.01.25  عيسوي

ڪامريڊ علي محمد ولد نبي بخش جمالي، 25 جنوري 1958ع تي ڳوٺ گنھور خان جمالي. تعلقي جوهيءَ ۾ پيدا ٿيو. ا

شخصيتون - ڀاڱي جون ٻِيون داخلائون