ڪلپنا اشوڪ چيلاڻي، ڊاڪٽر: هندستان ۾ سنڌي ٻارڙن جي مشھور ليکڪا ڊاڪٽر ڪلپنا اشوڪ چيلاڻي لکميچند ٿانورداس عيدناڻيءَ جي گهر، پوني، رياست مھاراشٽر، هندستان ۾ ڄائي. سندس وڏا اصل دادو سنڌ جا هئا. هن ايم اي، بي ايڊ کان پوءِ پي ايڇ ڊيءَ بہ ڪئي. سندس ڇپيل ڪتابن ۾، ’گيت گلابي‘ (شاعري 1996)،’دلير درياھہ‘ (ڪھاڻيون 1999) ’ڪاليناٿ‘ (ڪھاڻيون 2000)، ’ٻڌ جو پتلو‘ (ڪھاڻيون 2008)، ’منھنجا ساٿي‘ (مونو لاگ 2008)، ’پيغام‘ (ڪھاڻيون 2009) ۽ ’آڪاشي پٿر‘ (ڪھاڻيون 2009) شامل آهن. ڊاڪٽر ڪلپنا اشوڪ چيلاڻي ڪيترائي انعام حاصل ڪيا آهن. هوءَ احمد آباد ريڊيو تان اسڪولي ٻارن جا جدا جدا پروگرام پڻ ڪندي رهي آهي.