ڪڊن واري نار (Kaden waro Creek) (ماڳ): هي ڇاڻ ناري، زيارت ابراهيم شاھہ ۽ کرگپ جي ويجهو موجود آهي. هيءَ نار، سمنڊ جي سطح کان 10 فوٽ مٿي آهي. ڇن نارو هتان 6 ڪلوميٽر اولھه ۾، زيارت ابراهيم شاھہ هتان کان 11 ڪلوميٽر ڏکڻ ۾، کرگپ 12 ڪلو ميٽر اولھه ۾، عثمان جت جو ڳوٺ 13 ڪلوميٽر اوڀر ۾، الھورايو ڳوٺ هتان کان 14 ڪلوميٽر ڏکڻ اوڀر ڪنڊ تي، ڳوٺ حاجي پانڌي 14 ڪلوميٽر اوڀر ۾ ڳوٺ علي محمد جت 15 ڪلوميٽر اوڀر ۾ آهي. ان کان سواءِ سيد محمد شيرازيءَ جو مقبرو 6 ڪلوميٽر اوڀر ۾ ۽ جاکي بندر 6 ڪلوميٽر اتر ۾ آهي. هن جي آسپاس ڪي ٻيون نريون جن ۾: گهوگهارو کاري ڏيڍ ڪلوميٽر اولھه ۾، سنھڙي کڏي نار ڏيڍ ڪلوميٽر اتر اولھه ۾، ڦٽي 3 ڪلوميٽر اولھه ۾، بندو، 3 ڪلوميٽر اوڀر ۾، ۽ راهو 3 ڪلوميٽر اتر اوڀر ۾ آهي.